Lipat lipat sa kapulisan?

Nganong limbungan pa man sa kapulisan ang katawhan pinaagi ni General Noli Taliño bahin sa pangan sa drug lord dinhi sa Sugbo ug Central Visayas.

Di ba ang negosyanteng si Peter Lim nga taga Sugbo maoy gitumbok ni Presidente Rodrigo Duterte nga usa sa tulo nga sakop sa sindikato nga naglihok sa Pilipinas.

Nganong lisudlisuron paman ni Taliño ang mga tawo pinaagi sa pag-ingon nga dunay mipuli sa namatay nga si Jeffrey Diaz alyas Jaguar nga may bag-ong drug lord? PNP BATOK PDEA

Kon nagkasumpaki sa ilang taho ang Philippine National Police (PNP) ug Philippine Drug Enforcement Agency (PDEA) makahatag kini og kalibog.

Tiaw moy, ang taho sa PNP duna lay 9 ka drug lords sa Central Visayas, samtang 19 ang anaa sa record sa PDEA.

Kon mangutana ta, asa man kanila sa PDEA ug PNP ang mihatag og tukma nga kasayuran.

Kini ra ba ang PDEA ug PNP anaa say mga gipangtagoan nga angayan sab natong ibulgar sa katawhan. BAROK

Si Chief Insp. Alexander Batobalonos maoy angayang motubag sa pangutanan kinsay nakapahimulos ni Alvaro "Barok" Alvaro. Lisod man sab tuohan kon moingon ang hepe nga wa kini mahibawo.

Ang akong kasayuran naggagikan sa sa pipila ka mga kasaligang tinubdan sa among pinanggang siyudad nga mao ang Danao.

Kon di makatug-an si Batobalonos, maayo tingali ug atong patug-anon si Barok. Ang gihuptan nakong pangan nga nagdawat og protection money gikan ni Alvaro ako lang una kining tipigan.

Basta ang akong maingon dunay pulis opisyal, pulitiko, abogado ug uban pang personalidad. Wa ko makadawat og taho nga dunay sakop sa media apan adunay mga barangay opisyal.

OUANO HILOM

Tungod sa gidaghanon sa mitahan nga mga biktima sa paggamit og iligal nga druga, gikinahanglan sa gobiyerno ang pagbutang og mga drug rehabilitation center ug igong pundo ug mga eksperto nga maoy modumala niini, aron maoy mo kompetensya sa mga pribadong center nga grabi kamahal ug gihimong negusyo na sa mga doktor kauban ang mga business partner.

Subay niini, ang Kapitolyo sa Sugbo, pinaagi sa opisina ni Provincial Board Member Jonkie Ouano sa ika-unom nga distrito mohatag og P100,000 alang sa Barangay Maguikay, siyudad sa Mandaue alang sa livelihood program sa drug surrenderres sa barangay.

Si Ouano, atol sa interview sa Agila, nitug-an nga angayan lang tagaan og pagtagad ang mga biktima sa drugas aron mabalik sa normal nga kinabuhi ug matagaan og kapanginabuhian alang sa 142 drug surrenderers.

(efren_lonzon@