MALAYSIA MI-BAN: ‘BEAUTY AND THE BEAST’
Kasamtangan nga di makita sa mga moviegoer didto sa nasud sa Malaysia ang live-action Disney film nga "Beauty and the Beast" atol sa gikatakdang release date niini karong adlawng Huwebes.
Wa masayri ang rason sa pag- postpone sa pagpagawas sa maong pelikula apan gikataho nga mohimo pa og pagtuon ang kagamhanan sa Malaysia kon ilang tugotan nga ipagawas sa ilang mga sinehan ang Disney movie, matod sa taho sa BBC.
Sa sayo pa, nahimong kontrobersiyal ang Beauty and the Beast sa dihang adunay bahin sa film nga “gay
moment” tali sa karakter ni LeFou ngadto sa kontrabida nga si Gaston.
Illegal alang sa mga Muslim ang bisan unsa nga
homosexual activity, diin ang Malaysia usa ka Muslim country.
"You don't ban a film because of a gay character. There are also gays in the world. I don't
think it is going to influence anyone. We need to think, we must allow people to decide for
themselves,” matod pa ni Seri Nazri Aziz, tourism minister sa Malaysia nga misupak sa pag-ban.
Ang GSC Cinemas sa maong nasud mo- refund niadtong
customer nga nakapalit nang daan sa ilang movie tickets.
Ang Russia mi-ban usab sa pelikula sa katarungan nga ang ilang balaod nagdili sa pagpakatap og “gay propaganda” ngadto sa kabataan.