Di uyab, gaselos
Dear Papa Joe,
Tawga lang ko sa ngalan nga Danaya. Usa ko ka bayot. Naa koy friend nga lalake. Na crush ko niya sukad pa sa una. Taudtaud na ang akong gibati nga akong gihilom gikan niya. Pagkahibawo niya kay ako siyang gisultihan sa akong feeling alang niya, nahibung ko kon ngano nga nagpalayo siya nako. So, ako sab ang nagpalayo niya. Unya pagkahibawo nako nga naa na siyay uyab, nagselos ko. Wa nako tuyoa.
Unya niingon iyang uyab nako nga., “Danaya, nag ka crush ka ni Sugar Daddy?” Ingon ko nga “ha, kinsay gaingon?”. Ingon siya nga gi send ni Sugar Daddy sa among group chat ang among conversation diin ko nitug-an sa akong feeling alang niya.
Niangkon ko nga na- crush ko kang Sugar Daddy, apan kaniadto ra. Wa ko moangkon nga until now naa gihapon koy crush niya. Apan moangkon ko, Papa Joe, nga kon makakita ko nila nga sweet kaayo nga magkuyog, magselos ko kay pila gud ka years nga na- crush ko niya. Unsa ang angay nakong buhaton karon? Palihug ko og tambag nako. Daghang salamat. DANAYA Danaya,
Well, dili sa ingon nga judgmental ko ha, pero maorag lisod man gud ang imong sitwasyon, labi na usa ka bayot nga sama nimo. Unya siya di sab mopatol og bayot. No offense ha kay tinuod baya sab, dunay mga lalake nga di ganahan makigrelasyon og same sex.
Okay ra na nga ma- crush ka niya, pero ayaw padala sa tama kay obsession na na imoha, yads. Ikaw ray masakitan niana. Kon makadawat ka sa imong pagka ikaw, nasayod ka nga dehado gyud ka kon seneryuso na nga relasyon ang imong gipangita, labina og kuwang ka sa bala. Matod pa sa uban nga gay nga, kon may dada, may kwarta. Daghan pang mga isda sa dagat, yads. Pangita o paghuwat kay moabot ra na. Salamat. PAPA JOE
(sa inyong tampo ipadala lang sa papajoesuperb@ gmail.com)