BEST TEAM PORMAHON

Nagkanayon si national coach Chot Reyes nga alang sa Gilas Pilipinas 5.0, pormahon niya ang labing maayong team ug dili kinahanglang hakuton ang tanang labing maayong mga basketbolista sa nasod.

Sa labing unang higayon, gitapok ni Reyes ang 25 ka mga nangapili sa National training pool kagahapon ug iyang giklaro nga dili All-Star team ang iyang gipangita kon dili ang labing maayong team.

“More important, we want to start the process of building this team. I’ve always said from Day One, we are building the best team. We’re not assembling the best collection of players,” pasabot ni Reyes sa interbyu sa Spin.ph.

“That means, who is the best fit, who plays well together, who are the people who can execute what we want to execute regardless of individual talent.”

Nidugang si Reyes nga wala’y bisan usa ka magduduwa ang nakaseguro na og luna

alang sa Final 12.

Apan gumikan kay lima ka interntional tournaments ang sagubangon sa Gilas Pilipinas sa umaabot, gipasabot ni Reyes nga duha ka teams ang iyang pagapormahon.

“You have to think long and hard now if you’re going to commit to this process. Because there is no assurance you are going to make the Final 12, not one of you here has a lock on any kind of slot to the Final 12,” batbat ni Reyes sa mga sakop sa national pool. Nitunga

Ang mga ningtunga kagahapon sa pagsugod sa tulo ka mga adlaw nga training camp sa Gilas Pilipinas mao sila si Gilas cadets nga gipangulohan nila ni Mac Belo, Kevin Ferrer, Jio Jalalon ug uban pa.

Naa sab ang PBA veterans nga gipangulohan ni Calvin Abueva.

Gitugtan nga makapahuway una sila si June Mar Fajardo ug Japeth Aguilar gumikan kay pareho kining gikan sa PBA Philippine Cup finals nga niabot sa deciding Game 7.

Wala matunga si Terrence Romeo gumikan kay adunay sakit samtang si Paul Lee adunay angol.