ATM SKIMMERS INTERNATIONAL NGA SINDIKATO
NBI NAGTUONG POSIBLENG MINILYON NA ANG NASAKIYO
Nagtuo ang National Bureau of Investigation (NBI) 7 nga kadtong tulo ka mga Romanian nationals, kinsa kapin na sa tuig nga nag-istar sa Sugbo, minilyon na ang na- scam pinaagi sa automated teller machine (ATM) skimming.
Gawas niini, ila usab nga gidudahan nga internasyunal nga sindikato ang mga skimmer.
Sa miaging Nobiyembre, usa ka Romanian national ang nasikop tungod sa bank skimming sa Makati. Matod ni Special Investigator III Florante Gaoiran nga tungod sa ilang dinalian nga aksyon ug padayon nga surveillance, nadakpan nila ang maong mga langyaw sulod lang sa duha ka adlaw.
Dugang niya nga nagpakaaron-ingnon nga mga negosyante ang mga langyaw sa nasod apan dia’y nang- scam na kini pinaagi sa skimming.
Nasakmit sa agents sa NBI ang 45 ka microchip card
readers, clone cards, improvised skimming tool, duha ka laptops ug pulos gikan sa lockers sa duha ka Romanians nga sila si Ionut Alexandru Mitrache, 32, ug Costel Ion, 31.
Ang ikatulong suspek mao ang Hungarian national nga si Jossef Gal.
Nailhan ang polo nga gisulsa usa sa mga langyaw samtang nihimo kini sa skimming sa ATM sa Land Bank of the Philippines (LBP) sa dakbayan sa Mandaue.
Nakuha sa mga taga LBP gikan sa ilang ATM ang duha ka mga gamit sa skimming. Ilang nasayran ang skimming human nialerto ang ilang gamit nga nahimutang sa main branch sa dan P. del Rosario ug Osmeña blvd.
Ila usab nga nasuta nga mga langyaw ang mga skimmer tungod sa CCTV footage.
Nangabang sila si Mitrache ug Ion og duha ka mga kwarto sa usa ka highrise condominium sa Barangay Lahug, dala ang bag-o lang napalit nga Ford Mustang sportscar.
Ang maong sakyanan nga aduna’y conduction sticker nga IO 1414 nga nakita sa
close-circuit television (CCTV)
footage sa LBP. Alas 3 sa hapon niadtong Biyernes dihang gi- invite sa buhatan sa NBI 7 ang duha aron mopatim-aw nganong sila ang nag- drive sa sportscar dihang nahitabo ang skimming.
Pipila ka minutos dihang naabot si Aurelian Razvan Stancu, kinsa gusto mosulod sa kwarto sa duha hinungdan nga nakamatikod ang grupo nga parte kini sa ilang grupo.
Nasuta nga siya diay mao ang information technology (IT) expert sa tulo.
Matod ni Gaoiran nga ang naaresto nga Romanians ug Hungarian parte sa mas lapad nga international nga sindikato diin target ang nagkadaiyang bangko sa mga dapit nga ilang adtoan. /