GINIKANAN MISUSI SA MINGLANILLA

Gitan-aw karon sa kapulisan sa lungsod sa Minglanilla kon mamahimo ba nila nga mapasakaan og kasong pagpanagit ang unom ka mga giingon nga nisuway pagdagit sa upat ka mga bata sa Minglanilla Central School, lungsod sa Minglanilla niadtong Huwebes.

Ugmang adlawa, pasakaan sa kapulisan ang unom og kasong child abuse sa Cebu Provincial Prosecutor’s Office sa Kapitolyo.

Matod sa hepe sa Minglanilla Police, Supt. Dexter Calacar, nga upat na ka mga inahan dala ang mga anak niini nga giingong gidagit, ang nibisita sa ilang estasyon niadtong Biyernes aron mosusi apan matod sa hepe, negative ug wala makaila ang bata sa mga natanggong.

Ang mga natanggong naglakip nila ni James Kevie Paradela, Rheamay Sagmon, Estela Montes, Marian Serenio, Reymart Abobo ug Federico dela Cruz.

Aduna na’y gitahasan si Calacar nga mosusi sa background sa unom, diin nakig- coordinate na usab sila sa ubang estasyon aron ma- verify ang mga impormasyon nga nahatag niini.

Lakip sa pakisusi nila mao ang mga puy-anan niining unom, driver’s license, rekord sa Social Security System diin nagpamatuod nga konektado kini sa kompaniya nga Grolier Philippines.

Gibutyag hinuon ni Calacar nga kon nanrabaho ang unom, nganong wala kini’y napakita nga identification card (ID).

Nasayran usab nga ang L300 van (XDE-659) nga gigamit sa grupo, expired na ang rehistrasyon niini diin nakabase sa National Capital Region (NCR). Bisan paman og aduna’y

book stand sulod sa van, apan wala’y mga interactive materials ang sulod niini. Giingon nga mga educational consultant sila sa Cyclophil Educational Promotions sa Grolier Philippines.

Hinuon gibutyag ni Calacar nga wala sila’y natala nga kidnapping sa ilang lugar sukad ni- trend ang mga post sa social

networking site nga Facebook. Uwahing aduna’y kidnapping sa Minglanilla diin biktima si Ellah joy Pique diin nakit-an kining patay sa lungsod sa Barili niadtong 2011. /

/Alan Tancawan ■ EXPIRED. Nasuta sa imbestigasyon sa kapulisan sa lungsod sa Minglanilla nga expired na ang rehistro sa van nga gigamit sa unom ka mga suspek sa giingong suway nga pagpanagit og bata sa lungsod sa Minglanilla. Sa Luzon usab kini nakarehistro.