Mga Romanian skimmer miigo na sa Makati

Ang pagkalambigit sa mga Romanian national sa automated teller machine (ATM) skimming wa lang mahitabo dinhi sa Sugbo, labina sa gawas sa nasod. Mao nga nagduda ang mga awtoridad nga ang nangasikop

nga mga Romanian ug Hungarian national gituohang mga sakop sa usa ka sindikato nga internasyonal.

Sa miaging gabii, tulo ka langyaw ang gidakop sa National Bureau of Investigation (NBI 7) human dudahi nga maoy responsabli sa mga ATM

skimming nga niigo sa labing minos 50 ka mga depositor sa Land Bank of the Philippines.

Nakuha gikan kanila ang nagkadaiyang mga gamit sa ATM skimming.

Si Konsehal Dave Tumulak, deputy mayor for police matters kinsa usa sa mga biktima

sa skimming sa miaging tuig, nagtuo nga di basta-basta ang grupo kay dako nga sindikato. Apan iyang giklaro nga wa sa tulo nga nadakpan ang nibiktima kaniya sanglit adunay siyay kaugalingon nga gihuptan nga hulagway.

Siya niawhag sa NBI sa pagpalawom sa imbestigasyon.

Ang pagkasikop sa tulo sa miaging adlaw di maoy una sa mga European citizen sanglit didto sa dakbayan sa Makati, Metro Manila, nasikop si Julian Christian Pintile, 34, niadtong Nobiyembre 30, gumikan gihapon sa ATM skimming. Niadtong April 7, 2009, duha ka Romanian national ang gidakop sulod sa hotel nga ilang gipuy-an sa Sydney, Australia.

Sa Mumbai, India, tulo ka Romanian national ang gidakop nga sila si Allen Budoi, Marion Grama ug Miu Ionel gumikan gihapon sa ATM skimming nga nibiktima og 300 ka tawo niadtong Oktubre 5, 2016.

Niadtong Agusto 11, 2016, laing Romanian nga si Gabriel Marian nasikop usab.