Bata, hamtong babaye nanulis nadakpan
Menor-de-edad kuyog sa usa ka hamtong nanulis sa usa ka babaye samtang nag-atang kinig kasakyan didto sa may dakong mall sa Barangay Tabunok, dakbayan sa Talisay niadtong Biyernes sa hapon.
Sigun sa taho ang biktima mao si Jeramie Jaloven, 30, dalaga, ug taga Barangay Poblacion, dakbayan sa Toledo.
Samtang, ang suspek nailhan nga si Don Vincent Gabriana
alyas Balulong, 24, ulitawo nga taga Sitio Mananga 1, Barangay Tabunok ug ang iyang kuyog nga nagpangidarun og 17 anyos.
Matod ni SPO2 Yvonne Ilustrisimo sa Talisay City Police Station nibutyag nga nag-atang ug kasakyan ang biktima sa dihang giduol sa duha ka suspek.
Ang duha mition og kutsilyo sa biktima dayog deklarar og tulis. Gikuha sa menor ang
bag sa biktima nga aduna’y sulod nga kwarta nga P1,200;
euro 200, USB, mga ID ug mga importanteng dokumento sa pag- apply aron maka- abroad.
Daling nisibat ang mga suspek sa gihimong follow-up
operation sa kapulisan ang mga nakakita nitug-an sa pangalan sa mga gikatahapan.
Matod ni Ilustrisimo nga ilang giadto sa ilang lugar ang mga suspek ug didto ila kini nasikop.
Nasikop man ang duha apan wala na ang kwarta ug ubang mga dokumento sa biktima.
Gidala sa Talisay City Police Station ang mga suspek ug gikatakdang pasakaan og kaso nga pagpanulis.
Samtang, ang menor-de-edad gi- turn-over ngadto sa Department of Social Welfare and Services.