ROCKETS WA KASULBONG
Nimugna og career-high nga 30 puntos si forward Solomon Hill samtang nitampo og 24 puntos ug 14
rebounds si Anthony Davis aron pangulohan ang dakong kadaugan sa host New Orleans Pelicans batok sa Houston Rockets, 128-112, kagahapon sa National Basketball Association (NBA).
Nahimo kini sa Pelicans bisan wala ang usa sa ilang pambatong sentro nga si DeMarcus Cousins ug taliwala sa kamangtas nga gipakita sa labing sinaligan sa Rockets nga si James Harden.
Si Harden nagpakatap og 41 puntos, 14 rebounds ug 11 assists apan wala kini nagsilbe sa maayong gipakita hapit sa tanang mga magduduwa sa Pelicans.
Si Hill igo lang nag- average og 6.5 puntos apan ning kombatiha, grabe ang iyang gipakita ug mirehistro kini og 6- of9 sa three-point area.
Sa 1st quarter pa lang, si Hill nipupo na’g 16 puntos aron hatagan ang Pelicans og 36-23 nga labaw.
Wala man tuod si Cousins, kinsa adunay angol sa tuhod, apan kontrolado gihapon sa Pelicans ang ilawom nga bahin ug nakaposte sila og 68-50 nga labaw sa halftime.
Sa nahabiling 5:27 minutos, napahakan og dako sa Rockets ang labaw sa Pelicans, 103-114 apan didto ra kutob ang ilang paningkamot.
Gawas sa iyang opensa, si Hill maayo sab nga nakadepensa kang Harden sa sayong bahin. Si Harden nalimitahan lang og unom ka puntos sa 1st quarter. / AP, ESL