AGOT DUNAY BAG-ONG BIRADA BATOK DIGONG?
Daghan ang nagduda nga si Presidente Rody Duterte ang gipadungog-dungog ni Agot Isidro sa iyang mga Facebook post, sigun sa taho sa pep.ph.
Niadtong Marso 20,
gi- repost ni Agot ang satellite photos sa Scarborough Shoal, lugar sa West Philippine Sea nga giilogan karon sa Pilipinas ug China. Apil sa iyang gi- post ang impormasyon bahin sa gitukod nga artificial
islands sa lugar, hinungdan nga nadaut ang coral reef.
Apan ang nakapaintriga sa tanan ang caption ni Agot nga
nagkanayon: “Just so you know. Ihahanda na ba ang jetski, Sir?”
Ang mga supporter ni Duterte nagduda nga ang presidente ang gipasabot sa singernga mosakay sa jet ski padung sa Spratlys (Scarborough Shoal) aron panalipdan ang Pilipinas batok China.
Niadtong Abril 24, 2016 sa presidential debate sa Dagupan City, Pangasinan, gipangutana si Duterte, kinsa kandidato pa niadtong higayona, kon unsay plano niya sa Scarborough Shoals kon modaug siyang presidente.
Ang tubag sa kanhi
Davao City mayor nga iyang hangyuon ang Navy nga dadon siya sa pinakaduol nga isla sa Spratlys, sa Scarborough.
“Bababa ako, sasakay ako ng Jet Ski dala-dala ko yung flag ng Pilipino at pupunta ako dun sa airport nila, tapos itanim ko. Then I would say, 'This is ours and do what you want with me, bahala na kayo.' I would stake that claim. Matagal ko nang ambisyon 'yan na maging hero din ako.”
Apan niadtong Marso 19, 2017, nausab ang tono ni Duterte, kinsa sa iyang speech niangkon nga wala siyay
mahimo kon magtukod gyud ang China og environmental monitoring stations sa Scarborough Shoals.
“What do you want me to do? Sir… ano bang gawin ko? Declare war against China? I can, but we'll lose all our military and policemen tomorrow and
we are a destroyed nation," ang pamahayag ni Duterte sa wa pa siya molarga sa Myanmar.
Niadtong Oktubre 2016, gitawag usab ni Agot nga “psychopath” si Duterte tungod sa iyang hagit sa US ug European Union nga ihunong na ang gihatag nilang ayuda sa Pilipinas.