MANDAUE MIUYON SA SAKA SA PLETE

Aprobado sa hiniusang komitiba sa laws and ordinance ug transportasyon sa konseho sa dakbayan sa Mandaue ang pagpataas og P.50 nga usbawsa plitehan sa traysikol sa dakbayan.

Matod nila ni Nenita Layese sa komitiba sa laws and ordinances ug Konsehal Elstone Dabon sa transportasyon nga ang usbong sa pletihan gi - aprobahan pinaagi sa ordinansa no. 26-2017, nga ni-amendar sa ordinansa no. 13-2015-1003.

Pasabot niini nga gikan sa P7.50 nga minimum nga plitehan sa traysikol, mahimo na kining P8.

Ang maong tahas gikatakda unya nga at aprobahan ni Mayor Luigi Quisumbing ug ipamantala sa mga mantalaan agig pagsunod sa balaod.

Base sa local government

code, may gahum ang dakbayan o lungsod sa pag-regulate sa operasyon sa dapit, pagtino sa plitehan sa mga traysikol.

Sumala pa sa report sa duha ka komitiba nga bisan sa pagtaas sa plitehan, magpadayon gihapon ang P1.00 nga discount sa mga senior citizen ug tinun-an.

Kahinumduman nga nihangyo ang Board of Trustees sa Mandaue City Federation of Tricycle Operators and Drivers Organization nga patas-an ang pletihan nunot sa pagtaas sab sa presyo sa gasolina ug petrolyo.

Ubos sa city ordinance no. 112008-475 nga may awtoridad ang Sanguniang Panlungsod (SB) sa pag-aproba sa pag-adjust na sa plitehan sa traysikol sa dakbayan. Wa pa mahimo kanus-an magsugod. / JPP