Johndorf miabli og laing subdivision sa Mactan
Laing subdivision ang gisugdan sa pagtukod sa nagkalapad nga Johndorf Ventures Corp. ( JVC), ang Evissa, kabahin sa ikatulo nga sunodsunod nga subdivisions nga giugmad sa Johndorf Communities sulod sa 24-ektaryang township sa Calawisan, dakbayan sa Lapu-Lapu.
Sa kinatibuk-ang puhunan nga P500 milyones, gitanyag sa bag-ong subdivision ang 492 ka dos-andana nga townhouses nga igbabaligya matag usa sa kantidad nga P1.4 hangtud P1.7 milyones lang.
Nangunay sa seremonyas atol sa groundbreaking sila si Abigail Lim, ang managing director sa kompanya, ug ang
chief operating officer niini ng si Jimmy Alvarez.
Napahigayon kini human gipasingunhan ni Presidente Duterte ang groundbreaking sab sa ika-3 mga taytayan sa Mactan nga modugtong direkta sa Cebu City gikan sa Cordova, asa ang dulhogan niini mga dos kilometros lang gikan sa Evissa.
“Sa sulod lang sa 15 minutos, dili na hasol moadto sa Cebu City ug pabalik pauli sa Lapu-Lapu,” mipadayag si Michele Chiu-Bacungan, tagduma sa sales and marketing kompanya.
“Naghinamhinam gyud ang atong mga broker, mga ahente nila ug pipila na sa atong mga
prospective homeowners ni'ng maong mga kalamboan,” siya midugang.
Gisugda'g una sa Johndorf ang pag-ugmad sa Evissa usa pa ang Tierra Nava, 5-ka ektarya nga proyektong kabalayan sab sa Carcar. Laing usa pa ang gikatakdang tukoron sa dakbayan sa Sugbo, ug lain pang tulo sa habagatang Pilipinas.
Susama sa kasikbit niini sulod sa Johndorf Communities Calawisan – ang Navona ug Astana, nga pulos na'ng nangahalin, maangkon sa Evissa ang tatak Johndorf nga mga kahimanan -- clubhouse, basketan, dula-anan ug mga lunang katapokan.
Ipahimutang sa Evissa ang pamuyong Asyano, makapalagsik nga kinabuhi alang sa mga malampusong nanginabuhian sa Sugbo o sa mga langyaw nga dapit nga motubag sa mga gitinguha ug panginahanglan sa masigkapamilya nila.
Alang kini sa mga mamuyo nga nangita'g tukmang bili, baskog ug maabtikon, magpapatigayon ug nagpadagan og mga pamatigayon nga buot mopuyo duol ra sa dakbayan ug kadagatan nga malinawon ang palibot, mikutlo si Bacungtan.
“Makasalig ka nga mahatagan ka sa imong mga gipaninguha sa pinakamaayong kapuy-an nga motanyag sab og maayong investment nga mobalik ra paaboton pa,” siya namahayag.
Gibutyag ni Eng'r. Raymond Lim, tagduma sa pagpanukod sa JVC, tuyo sa kompanya nga mahuman sa pag-ugmad ang Evissa sa tuig 2019. “Makatunol na unya ta pohon sa unang mga mapuy-an sa tapos sunod tuig,” siya miingon. Duola ang kaila nimo nga
broker o bisitaha ang Johndorf sa ika-14 nga ang-ang sa Ayala Life - FGU Center tabok sa Ayala Center Cebu aron makisusi, o sudli ang Facebook page sa Johndorf Ventures, o http://www.johndorfventures.com.ph.