BATOK GARCIA MIPASAKA'G KASO NI MAYOR OSMEÑA
Si Konsehal Raymond Alvin Garcia nipasaka og kasong kriminal batok kang Mayor Tomas Osmeña ug City Treasurer Tessie Camarillo gumikan sa giingong ilegal nga pag- operate sa v-hire terminal sa dalan Junquera, Barangay Kamagayan, dakbayan sa Sugbo.
Niduso sa Garcia sa iyang affidavit sa Office of the Ombudsman Visayas niadtong Biyernes, Marso 24, aron pormal nga pasakaan og kaso ang duha ka mga opisyal sa executive department nga nagtugot sa terminal..
Si Garcia nipsangil sa duha nga nakalapas sa section 3 (a) ug section 3(f) sa Republic Act No. 3019 kon Anti Graft and Corrupt Practices Act.
Apan si Osmeña wala mabalaka sa kaso nga gipasaka ni Garcia batok kaniya.
“That's fine. You can file a complaint to anyone but in the process, I'm really… for public welfare,” matod sa mayor.
Base sa gipasakang kaso ni Garcia, nag- operate ang terminal sa v-hire nga walay rekomendasyon sa Technical Accreditation Committee ug walay pagtugot gikan sa Cebu City Council subay sa City Ordinance 1958 nga naaprobahan niadtong tuig 2003.
Ang giingong caretaker sa terminal nga si Douglas Labra, subay sa complaint ni Garcia, kinsa nikutlo sa mga newspaper report nga gitugotan sila ni Osmeña.
Ang mayor nagkanayon nga eksperimento ang maong terminal nga nagsugod og operate niadtong Septiyembre sa miaging tuig sa hawanan sa kanhi Citi Center.
Gipadayag ni Osmeña nga ang iyang gibuhat niya para sa kaayuhan sa publiko diin libuan ka mga tawo ang nagtrabaho sa siyudad ug nalipay siya nga makauli kini sa ilang lungsod matag adlaw aron dili maproblema ang dakbayan sa ilang pagpuyo.
Matod pa sa mayor nga nagkolekta ang City Hall og labing menos P300 mil matag buwan ug niadtong Disyembre, niabot og P440 mill ang koleksyon nga iyang gihulagway nga anaa sa hustong direksyon.