WAY EDAD ANG KALAMPUSAN
Way pangandoy nga imposible makab-ot kon magkugi ka, determinado ug dunay pagsalig sa Ginuo.
Kini ang namatud-an ni Erwin Valmoria Macua, ang security guard sa St. Theresa’s College nga nakatapos sa pagtuon ug nahimo nga inspirasyon sa kadaghanan sa mga tinun-an.
Marso 25, 2017 ang usa sa mga petsa nga dili makalimtan ni Erwin. Sa mao nga adlaw, nakab-ot sa 38-anyos nga amahan ang iyang pangandoy. Siya ang usa sa 97 ka mga
graduate nga nipaso sa STC Auditorium ug nidawat sa iyang diploma sa kursong Bachelor of Elementary Education major in general education.
Bisan kon way igong katulog, gamay lang ang oras sa pagtuon ug napuno sa mga gimbuhaton matag adlaw, si Erwin ni- graduate isip cum laude nga may
average nga grado nga 1.45. Mismo ang iyang asawa nga si Irenea ang nipasul-ob sa medalya ngadto kang Erwin uban ang inahan niini nga si Aproniana.
“Wala ko nag- expect, sa akong kalisod, sa akong pag-adjust sa akong life as a student, sa akong work, as a family man, mao ni akong maabot,” asoy ni Erwin sa pakighinabi sa Superbalita Cebu.
Timaan sa iyang kakugihan, ni- duty pa siya pagka Biyernes sa gabii, pipila ka oras sa dili pa ang ilang graduation.
Ang pagkab-ot sa iyang pangandoy nagsugod sa assignment sa iyang mga anak sa Math ug Science diin naglisod kini og tubag ug gikan niadto napukaw ang iyang interes ug determinasyon nga mohuman sa kolehiyo. Si Erwin nakatungha og usa ka semester sa kurtion song Civil Engineering sa kolehiyo sa Tagbilaran, Bohol.
Niadtong Oktubre 2013, nisuwat siya ni Sister Teresita Reyes, nag- supervise sa security personnel sa STC ug nipadayag nga gusto siya mopadayon og eskwela.
Ang tunghaan kanhi all-girls ug dihang nagsugod kini og panawat og mga lalake nga tinun-an, usa si Erwin sa mga nadawat, diin gihatagan siya og 50 porsiyento nga diskwento.
Sud sa 16 ka tuig, nagtrabaho siya isip gwardiya sa STC.
Sukad namantala ang sugilanon sa iyang kinabuhi sa Sun. Star Cebu niadtong Septiyembre 2014, matod niya, kausa
lang siya nakabayad sa tui- sanglit duna nay mobayad sa iyang bayranan sa tunghaan diin ang uban iyang nailhan samtang ang uban hilom nga naghimo niini.
Si Erwin, lumad nga taga Trinidad, Bohol, niasoy nga maihap lang ang oras sa iyang pagkatug kay sa gabii, mo- duty siya sa STC gikan alas 7 sa gabii hangtod alas 7 sa buntag. Pagkabuntag hangtod sa hapon, klase niya.
Gusto niya makahatag og hayag nga ugma sa iyang tulo ka mga anak nga sila si Jean Vincent, 17, nagtungha sa kursong Accountancy ug eskolar sa Cebu City Government; John Clifford, 15, nag-eskwela sa Ramon Duterte Memorial National High School ug Charise May, 10 ka buwan.
“Ang tawo nga dunay pangandoy sa kinabuhi, maningkamot gyud aron makab-ot ni. It is never too late to learn bisan tiguwang na ta,” dugang ni Erwin.