KathNiel sa Cebu. Atangi!

Puno ang mall shows nilang Piolo Pascual ug Yen Santos sa SM City Cebu ug SM Seaside niadtong Biyernes.

Daghan sad ang nitambong sa ilang presscon sa Parklane Hotel kay bisan dili taga- press gipasud tungod kay super fans lagi ni Papa P.

Halos tanang programa sa ABS-CBN, gituyok nilang Piolo ug Yen aron i- promote ang pelikulang "Northern Lights: A Journey to Love" nga showing na ugma, Miyerkules.

Sa trailer dili kaayo siya ingon ana kanindot apan gipaniguro ni Papa P nga talagsaon ug daghan og pagtulun-ang bawon ang maong pelikula.

KATHNIEL

Human sa Northern Lights ni Piolo ug Yen, ang pelikula na sad ni Kathryn Bernardo ug Daniel Padilla ang showing na sa Sabado De Gloria, Abril 15.

Kay tradisyon na gyud ni sa Star Cinema nga magpasalida og bag-ong pelikula human sa Biyernes Santo.

Matod ni Ms. Josie S. Pereyra sa JSP Ads and Promo nga duna gihapoy mall shows sa Cebu ang KathNiel pero wala pa la’y petsa.

Kadtong katapusan wala ra ba to madayon ang KathNiel kay maorag gibagyo man tingali to? Hopefully, karon madayon na gyud.

DARNA

Naay pelikula nga maorag

overdue na (or overhype), kining Darna.

Maora man og walay laing makada sa Darna nga kadaghang maayong artista ang ABS-CBN. Naay Liza Soberano, Yassi Pressman o bisan si Sarah Geronimo.

Kon si Ms. Charo na ang mosulti nga ikaw na lang Sarah G, maayog makabalibad pa na.

Nilabay na ang panahon ni Angel, ari na sad ta sa mga bag-ong tubo nga mas lab-as ug mas `in’ sa henerasyon.

POWER RANGERS

Negative og review ang pelikulang “Power Rangers,” pero pagtan-aw namo niadtong Dominggo, uy lingaw ra man diay.

Akong anak wa gyud mamilok kay nindot kuno kaayo. Ang uban sa audience namakpak pa gani. Pangbata gyud hinuong salidaha. Mao na lang nay akong

gift nimo Arbel James Ciar. Congrats sa inyong

recognition day karon, March 28 sa Divine Life Institute of Cebu, isip Top 6 ug Most Virtuous Awardee. Cheers!