Sometimes love is not enough
Mituyo gyud ko sa pagduaw sa akong ig-agaw nga si Clarisse. Dalang suruy-suroy sab kay summer
vacation na man. Wa nay klase. Hasol man gud ang akong hunahuna. Wa koy kalinaw tungod kay bation gyud nako ang pagpangabubho kang Maireen.
Dugay kong gitan-aw si Clarisse. Diha mi mag-estorya sa ilang terrace kay medyo bugnaw. Init na man gud ang panahon.
“Mao na, Aiza. Di natp maangkon ang kalinaw tungod lang sa love.”
Husto man sab nuon ang akong ig-agaw. Tungod sa dako kong gugma kang Gerald, nagubot na nuon ang akong hunahuna.
“Unsa may maayo kong buhaton, Clar?” Kahilakon ko.
“Aw, naa ra nimo, Aiza. Ikaw man ang modesisyon.
I know nga love gyud nimo si Gerald. ug maoy gusto sa tag- sa-tagsa ninyo ka parents nga kamo gyud ang magkadayon someday. But don’t forget, ang gugma di pangayuon. Di ni kabut-an. Bation ni nato dinhi.”
Gitudlo ni Clarisse ang wala niyang dughan, tumong sa iyang kasingkasing. “Mao nay akong gibati, Clar.” “I know. But how about Gerald? Love ka ba niya?”
Mora kog natuk-an. Wa ko makatingog. Nakahibawo ko nga napugos lang si Gerald sa pagpakigrelasyon nako tungod sa kagustohan sa iyang mga ginikanan labi na sa iyang Mama nga dunay sakit sa kasingkasing. Gani, di pa lang dugay naospital ni kay giatake sa kasingkasing. Hapit gyud ni mamatay. Ug maoy gitambag sa doktor nga di ni hatagan og kaguol.
“Ang labaw nga importante sa usa ka relationship between man and a woman mao nga duna silay love sa usag usa. Matod pa bitaw, way makabuntog sa gugma. Pero kon ang usa ra maoy nahigugma ug ang usa wa, never gyud nga mo- prosper ang maong relasyon.”
Dugay kong nakatulog nianang pagka gabii. Di mawala sa akong hunahuna ang tanan nga gisulti ni Clarisse. Wa ko kapugngi ang pagtulo sa akong mga luha. Hilom kong nagbakho.
“Nganong ikaw pa man gyud, Gerald?” Hilom kong nakaingon sa akong kaugalingon.
Pagka ugma, wa koy kadasig nga nagpalabay sa oras sa among lawn. Nagpahangin ko kay morag di ko kaagwanta sa kainit sa sulod sa among balay bisag dunay electric fan. Unya nakalitan ko sa pag-abot ni Maireen, Akoy iyang tuyo. (SUMPAYAN)