GILAS BATOK VISAYAS
Dinhi sa Sugbo motiklop ang tulo ka gikaintapang mga duwa sa umaabot nga 2017 Philippine Basketball Association (PBA) All-Star
Week diin makigbatok ang piniling mga magduduwa gikan sa Luzon, Visayas ug Mindanao sa Gilas Pilipinas.
Ang Mindanao-Gilas nga duwa ipahigayon karong Abril 26 sa Cagayan de Oro City, mosunod ang Luzon-Gilas nga kombati karong Abril 28 sa Lucena City dayon ang Visayas-Gilas nga sangka karong Abril 30 dinhi sa Sugbo.
Ang slamdunk contest ug three-point shootout ipahigayon sa Lucena City.
Sa miaging adlaw, gipaila na ang mga magduduwa nga molangkob sa puwersa sa Luzon, Visayas ug Mindanao.
Ang tulo ka teams makigsangka og mga magduduwa nga kuhaon gikan sa Gilas Pilipinas national training
pool. Mogamit og lainlain nga line-up ang Gilas sa matag duwa isip tipik sa ilang preparasyon.
Adunay mga sakop sa Gilas nga moduwa sa rehiyon nga ilang gigikanan aron makigbatok
sa ilang mga kauban sa national training pool.
Molangkob sa Luzon nga giyahan ni coach Leo Austria mao sila si Marc Pingris, Japeth Aguilar, Calvin Abueva, Paul Lee, Jayson Castro, Mark Caguioa, Alex Cabagnot, LA Tenorio, Marcio Lassiter, Arwind Santos, Ranidel de Ocampo, ug Stanley Pringle.
Anaa sa Mindanao squad nga dad-on ni coach Chito Victolero, mao sila si Mark Barroca, Scottie Thompson, PJ Simon, Rafi Reavis, Mac Belo, Jio Jalalon, Cyrus Baguio, RR Garcia, Sonny Thoss, Carlo Lastimosa, Glenn Khobntin, Baser Amer ug Troy Rosario.
Ang mga sakop sa Visayas team nga dumalaon ni coach Tim Cone mao sila si James Yap, June Mar Fajardo, Terrence Romeo, Joe Devance, Jeff Chan, Chris Ross, Chris Ellis, Aldrech Ramos, Dondon Hontiveros, Ronald Tubid, Asi Taulava, ug Jericho Cruz. Anaa sa Gilas national training pool mao sila si Mike Tolomia, Almond Vosotros, Ed Daquioag, Jonathan Grey, Allein Maliksi, Matthew Wright, Kevin Ferrer, Carl Bryan Cruz, Norbert Torres, Bradwyn Guinto, Raymond Almazan, Arnold Van Opstal, Jayson Castro, Jio Jalaon, LA Revilla, RR Pogoy, Von Pessumal, Mac Belo,
Troy Rosario, Calvin Abueva, Japeth Aguilar, Terrence Romeo, Fonzo Gotladera, ug JuneMar Fajardo.