Canillas kampyon sa Aduana Legends

Nagbunga ang kanunay nga pag-ensayo ni Boodie “Parker” Monteno samtang gipakita usab ang kalantip ug kahanas ni Marvin Sillar aron ilang bidahan ang kadaogan sa Canillas Customs Broker (CCB) batok sa MP Brokers, 66-51, aron sakmiton ang titulo sa Aduana Legends basketball tournament kaniadtong Huwebes sa gabii sa barangay Tinago gym, Cebu City.

Si Monteno kinsa nangu sa opensa mitali og 16 puntos samtang si Sillar midugang og 15 puntos. Singko puntos ra man tuod ang nakumkom sa team leader nga si Jingjing Rama apan ang iyang kontribusyon sa laing departamento maoy dakong tampo nga iyang naamot.

Naangkon sa Cebu Ryle Trucking ang ikatulong pwesto human sila maka-ipsot batok sa JCB Brokers. Sama sa naandan, silang Francis

Ibo ug Mike Tan maoy nagsilbing 1-2 punch sa MP Brokers apan tataw nga wala sila makasusteneir sa enerhiya sa Caniilas Brokers.

Human sanayon awarding, nagka si Monteno nga adunay ipahigayon nga basketball fund-raising drive dinhi sa Sugbo karong Abril diin moduwa ang Bureau of Customs (BOC) Transformers nga gilangkuban nilang Kenneth Duremdes ug Marlou Aquino kinsa makigsangka sa BOC Cebu Selection piangulohan ni ex-UC point guard Kenneth Kernn Sesante.

Moduwa sab alang sa Cebu Selection silang UC Webmasters team consultant Roel Gomez, Allen Sasan ug pipila ka mga kanhi varsity ug

commercial players sa Sugbo. Ang kita sa maong exhibition game diha sa USC gym, ihatag sa mga charitable institutions lakip na ang Cebu Streetchildren Foundation.