Dalaga gihimong sex slave sa amahan
4 DUMAGUETE CITY - Naluwas ang usa ka dalaga nga gihimong sex slave sa iyang kaugalingong amahan sud sa 10 ka tuig gikan sa usa ka lungsod ning lalawigan. Ang Commission on Human Rights (CHR) uban sa Department of Social Welfare Development ug sa Provincial Intelligence Branch Special Operations Group sa kapulisan mi- rescue sa dalagita didto mismo sa pinuyanan sa biktima (pangalan gipugngan). Ang rescue operations gipahigayon human ang biktima mismo misuwat sa CHR ug nangayog tabang. Ang dalagita mibutyag nga gisugdan siya og lugos sa iyang amahan niadtong tuig 2007. Nakahukom ang 17 anyos nga dalagita nga mo- report human gisuwayan siyag lugos apan nakalingkawas sa yawan-ong tinguha sa iyang sa miaging semana. Sumala sa CHR nga ang pagpanglugos nahitabo sud sa pinuy-anan ug kanipaan. Sumala ni CHR Special Investigator Jesus Canete nga dihang miabot sila sa balay ang biktima nga nakabantay nga awtoridad ang miabot kalit nga miambak ug miduol kanila. Apan ang amahan nakuratan ug misuway sa pagdasmag sa mga awtoridad.