Lalake, 76, naglutaw

3 PANGLAO, BOHOL - Napalgang naglutawlutaw nga wa nay kinabuhi ang usa ka 76 anyos nga lalaki didto sa kadagatan sa Barangay Doljo, lungsod sa Panglao niadtong Huwebes sa gabii sa milabayng semana. Giila kini nga si Pascual Boyles nga taga Purok 1, Barangay Doljo, Panglao, Bohol. Sa pakisusi sa kapulisan, nasayran nga 30 metros gikan sa baybayon, napalgan ang lawas sa biktima nga naglutawlutaw sa may kadagatan sa nahisgutang lugar. Tulo ka lalaki nga sakop sa bantay dagat nga sila si Marino Cloma, Francis Bonita ug Antonio Arban nga samang lumolupyo sa lungsod nakakita sa lawas sa biktima. Wa magtuo ang asawa sa biktima nga si Geronita Boyles sa nahitabo sa iyang kapikas kay gibiyaan kini nga nanginhas.