Road rage

Kasuko diha sa kalsada o road rage di maayo ang bunga. Kay mohangtod sa pinusilay nga kon way mamatay labing seguro dunay samdan. Panghitabo nga kasagaran na karon sa atong kadalanan.

Ang nabaniog nga kaso sa road rage mao kadto kang Rolito Go, construction magnate, diin ang biktima usa ka batan-on nga tinun-an. Ang nakanindot wa mapalit ni Go ang hustisya kay nabilanggo siya.

Kapin sa 20 ka mga tuig siyang nabilanggo hangtod nasakit og grabe. Mora tog tinuod nga siya nasakit di pasangil. Tungod sa kaluoy ug gamayng

connection gibuhian duha na ka tuig ang nakalabay. Karong bag-o usa ka traffic

enforcer ang gipatay tungod sa wa kapugnging kasuko sa usa sad ka motorista. Dinhi sa ato, di pa dugay, usa ka nurse ang gipusil ni David Lim, Jr., apan wa mamatay.

Pag-umangkon siya ni Peter Lim, ang gitumbok ni Digong nga dakong drug lord dinhi sa nasod. Uban siya niadtong higayuna sa usa ka seksing babaye nga gituohang iyang uyab o suod nga amiga.

Kargado sa adunay mga awto nga luho mga dato o anak og negusiyante o di ba gikan sa middle class nga may

gainful job nga maka- afford. Kini sila, di tanan hinuon, nagsanting sa garbo.

Gisugyot nga kini sila di padad-on og pistola aron kalikayan ang krimen. Unta, patas- nila ang pasiyensiya. Tabunan ang garbo sa usa ka mabugnaw nga panlantaw sa sangputanan sa ugma.

Ang kasuko naa sa tawo, apan ipahimutang. Kanang yatakan ang imong mga katungod. Paglaban sa tarong nga prinsipyo nga buot pasipad-an sa pamintaha sa uban. Dinhi gamiton ang kasuko.

Lain-lain ang paggamit sa kasuko. Ang Welsh poet nga si Dylan Thomas uyon kaayo sa ulbo sa kasuko. Samtang nagtan-aw sa iyang amahan sa ngilit sa kamatayon nagpaninggit ang mga tudling sa i yang balak: (Do Not Go Gentle Into the Good Night) “Rage, rage, against the dying of the light.”

Pangisog, pangisog, batok sa pagkapupos sa kahayag.