CUBA GOODING BASTOS?
Gi-uwan og saway ang actor nga si Cuba Gooding Jr. sa iyang gihimong pagpanglili human nga iyang gi-isa ang sayal sa laing aktres nga si Sarah Paulson diha sa entablado sa gipahigayon nga annual PaleyFest didto sa Los Angeles.
Wa matino kon nagkomedya lang ang actor sa iyang gihimo ug aron nga ma- expose ang paa ni Paulson sa iyang gisul-ob nga high slit nga sayal.
Si Paulson nga way kalibutan sa gihimong prank ang nakasiyagit ug dali nga nakapanapo sa dihang nakabantay nga gitukas ang iyang sayal.
Bisan tuod nga wa kini hatagi og malisya ni Paulson apan ang mga netizen wa ka-uyon sa gipakitang taras sa 49 anyos nga si Gooding nga mihingalan kaniya nga "disrespectful," matod sa taho sa standard.co.uk.
“It turns out Cuba Gooding Jr is a d******* who has no respect for women. He had absolutely no right to lift Sarah Paulson's dress like it,” usa sa tweet. /