Laing problema

Dear Papa Joe,

Tawga lang ko sa ngalan nga Lyn, 22. Naa koy ka livein for 3 years ug duna na mi anak duha. Sa sinugdanan pa lang, wa ko mahigugma aning tawhana, apan napugos lang ko nga mag-ipon mi kay namabdos ko hangtod nga napun-an og usa. Ako nani siya gibuwagan pirmi pero di siya musugot. Mag- wild dayon basta maghisgot na ko nga magbuwag mi.

Naa koy na- meet nga kauban ra gihapon nako sa akong trabaho. Kini siya, nanguyab na ko bisag nakahibaw siya nga naa koy ka live-in ug duha ka anak. Na- develop ang feeling niya tungod sa iyang gipakita nako nga love ko niya. Nagkakami bisan pa nag-ipon ghapon mi sa akong ka live-in. Amo ra gitago ang tanan, until nga nabuntis ko. Aware ang akong secret bf nga mabdos ko ug nakahibawo siya nga siya ang amahan ug gusto na siya nga mag-ipon mi.

Nagtuo ang akong ka live-in nga iyaha ang akong gimabdos karon. Unsa man ang angay nakong buhatun, ako ba siyang pahibaw-on nga di siya ang amahan sa akong gimabdos o itago na lang ko ni gikan kaniya? LYN Lyn,

Di ko kahatag og maayo nimong tambag, Day, kay di man gud ing ana ka valid imong rason ug narason lang na nimo tungod kay naa kay bag-o ron. Kon wala pa ka makauyon sa imong ka live in karon, nganong nagpabuntis man ka? Ka usa ra unta, unya nausban man sa ikaduha ug karon buntis ka sa lain nga wa pa gani nimo masulbad ang problema.

Para nako, wala sa lalake ang problema, naa nimo kay di ka maghunahuna sa imohang desisyon kon unsay epekto niini. Ang mahimong makaluluoy ani ang mga bata. Sultihi imong ka live in kay kon di siya makadawat nimo, at least pwede na ka sa usa. Kana kon totally madawat ka sa iyang pamilya. Kon di, laing problema na sad na.