Hunat mogamit na og timing chip
Isip pagtuman sa hangyo sa mga runner, ang Parklane International Hotel mogamit na og timing chip alang sa Hunat Sugbu 7: Dagan Para ni Maning nga ipahigayon karong Hunyo 25 sa Terraces Ayala Center Cebu.
Ang Hunat Sugbu mogamit sa timing chip sa labing unang higayon alang sa 21K ug 12K nga mga kategoriya. Ang lumba aduna gihapo’y 6K ug 3K.
“The use of time-in chip is a welcome improvement for our race. With this, the participants can keep track on their time and personal best,” asoy ni Parklane general manager Cenelyn Manguilimotan sa paglusad sa lumba ug press conference kagahapon.
Nagkanayon si Hunat Sugbu chairman Nic Nacorda nga nakadesisyon silang mogamit og timing chip aron daling makapagawas
og mga resulta.
“Last year, most of the runners asked us if we can release the results fast. With the timing chip now they can check real time results online,” pasabot ni Nacorda.
Giawhag sa mga nag-organisar ang mga mahiligon sa lumba sa dagan sa pagparehistro og sayo gumikan kay limitado lang ang ilang dawaton diin 500 lang ka runners sa 12K ug 700 sa 21K.
“Last minute registration has happened in the previous editions, but I would like to tell the runners that we can’t do last minute for this year. Even if we want to accommodate (last minute registration) but we really can’t because the chips come from Manila,” psaabot ni Manguilimotan.
Ang rehistrasyon magsugod na karong adlawa.