CPPO MILUSAD SA PROGRAMANG RAK

Maayong balit sa kapulisan ubos sa Cebu Provincial Police Office (CPPO).

Gilusad sa CPPO ang programang Random Act of Kindness (RAK) diin pasidunggan ang mga pulis nga nakahimo og maayong buhat.

Karon, halos unod sa mga balita dunay pulis nga nakahimo og hiwian nga binuhatan sama sa pagkalambigit sa ilegal nga drugas, pangilkil ug uban pa nga nakahimo nga bati sa imahen sa publiko.

Samtang dunay pipila nga nakahimo usab og maayong buhat apan wa kaayo masayri sa publiko.

Pananglitan, ang kapulisan sa lungsod sa Consolacion nga wala madala sa tentasyon sa dihang gisuwayan og suburno sa kaso sa gidiling druga.

Nakadayeg kaayo ang kadagkoan sa CPPO busa, nadasig sa paglusad sa programa nga RAK sa pag-ila sa mga pulis nga nakahimo og talagsaong ug lig-ong baroganan sa mataron nga serbisyo.

Ang RAK tipik usab sa lang transformation program ug internal cleansing.

Ang matag police station gimandoan nga moduso og rekomendasyon sa provincial

command kinsa ang angayang pasidunggan nga pulis.

Tinguha ni Sr. Supt. Eric Noble nga ang tanang pulis sa lalawigan sa Sugbo mohimo ug maayo og mabut-an sa umaabot nga mga adlaw.

Sa mga simply nga maayong binuhatan nagtuo si Col. Noble mausab ang pagtan-aw sa publiko sa kapulisan nga mahimo na silang kasaligan.

Iyang giangkon nga naguba ang emahin sa kapulisan lukop nasud human mitumaw ang Tokhang for ransom sa sud mismo sa kampo Crame diin usa ka Korean business

man ang gipatay sa mga pulis. Halapad nga pagsaway ang nadawat sa PNP tungod sa maong panghitabo.

Nadugangan pa sa mga pulis nga nalambigit sa ilegal nga drugas nga gibisto ni President Rodrigo Duterte.

Sa miaging tuig, unang gilusad ang Bless Our Cops diin kadtong mga pulis nga nakahimo og kasaypanan ipaubos sa seminar sa mga pastor.

Daghan ang giingong nabagsa kinabuhi nga kaniadto salawayon ang ilang mga binuhatan apan nahimong buotan na. /