IMPORT SA MERALCO MIBILIB NI FAJARDO

Daghan ang mga nibilib sa Sugbuanong higante nga si San Miguel Beermen center JuneMar Fajardo sa pag-eumento sa duwa niini sa ilawom. Nahidugang ning maong listahan ang import sa Merlaco Bolts nga si Alex Stepheson.

Nakuha ni Fajardo ang atensyon ni Stepheson dihang nagbinanggaay sila sa ilawom nga bahin sa 99-92 nga kadaugan sa Beermen batok sa Bolts, 99-92, niadtong Dominggo sa Philippine Basketball Association (PBA) Commissioner's Cup sa Araneta Coliseum.

Ning maong duwa, ang lumad nga taga lungsod sa Pinamungajan, Cebu nagpakatap og 24 pubntos ug 12 rebounds.

“Big dog is good. Real skilled, man, real patient in the post. He really knows what he’s doing down there, he doesn’t waste a lot of energy down there, he’s very efficient,” paghulagway ni Stepheson kang Fajardo sa interbyu sa Spin.ph.

Si Stepheson nimugna og 21 puntos ug 26 ka rebounds sa labing unang pilde sa Bolts sulod sa lima ka mga duwa.

Nagkanayon si Fajardo, kinsa produkto sa University of Cebu (UC) Webmasters, nagakanayon nga pagpakigbangga sa dagko ug tag-as sab nga mga magduduwa sama ni Stepheson makatabang kaniya aron mapreparar ang iyang kaugalingon sa umaabot nga kampanya sa Gilas Pilipinas 5.0.

“Malaking tulong yun para sa akin at sa amin ni Japeth (Aguilar) kasi kami ang big man sa Gilas,” pasabot ni Fajardo

“Syempre mahirap. Ang laki, ang bigat. Pero team game ito eh, kailangan namin maglaro as a team. Di naman individual ito eh.”

Nakadayeg sab kang Fajardo ang iyang kaubang import nga si Charles Rhodes, kinsa niamot og 22 puntos sa labing una niyang duwa isip sakop sa Beermen. /

/ PBA Image ■ WA KAPUGONG. Giitsahan og atubangan sa Sugboanong si June Mar Fajardo sa San Miguel Beer ang import sa Meralco Bolts nga si Alex Stephenson niining aktoha atol sa ilang duwa niadtong Dominggo sa hapon sa PBA Commissioner's Cup sa Kaulohan.