MISIKIT NA SA KASAYSAYAN
Nag-ung-ong na ang tipik sa kasaysayan alang kang Russell Westbrook apan ang iyang ika-40 nga triple-double sa season wala magsilbe gumikan kay napukan ang host Oklahoma City Thunder sa Charlotte Hornets, 101-113, kagahapon sa National Basketball Association (NBA).
Si Westbrook nagpakatap og 40 puntos, 13 rebounds ug 10 assists, usa na la’y kuwang ug iya nang matupngan ang dugay nang rekord nga 41 ka
triple-doubles nga naposte ni Hall of Famer Oscar Robertson sa Cincinnati Royals niadtong 1961-62 season.
Ang Thunder aduna pa’y unom ka nahabiling mga duwa sa regular season hinungdan nga dako ang poruhan nga matupngan o mabuak ni Westbrook ang rekord ni Robertson.
Sa tanang teams sa NBA, ang Chicago Bulls na lang maoy bugtong kaparang sa Thunder nga wala nakamugna og triplesi Westbrook. Matod ni Westbrook nga wala siya maghunahuna nga makaposte og kasaysayan ug mas importante kaniya nga padayong modaog ang Thunder bisan ning puntoha nga nakaseguro na sila og luna sa playoffs.
“We’ve got to win,” asoy ni Westbrook. “That’s my thoughts.”
Ang Thunder nahagsa sa 43-33 nga rekord samtang ang Hornets, nga padayon pang nanikaysikay nga makakuha og puwesto sa playoff , mingsaka sa 36-41 nga rekord.
Ang Thunder ningmugna og 11-1 nga rekord aron pahakan ang labaw sa Hornets, 91-92, sa nahabiling kapin sa 5:00 ka mga minutos.
Si Cody Zeller nakakompleto og three-point play aron inaton og balik ang labaw sa Hornets ug gikan niini, wala na sila molingi pagbalik. “We were just making bad mistakes, bad decisions,” asoy ni Westbrook, kinsa nagtumbok sa 24 ka
turnovers sa Thunder. “Starting with myself, we have to take better care of the ball.”
Ang Hornets gipangulohan ni Kemba Walker pinaagi sa iyang 29 puntos, nidugang og 18 puntos si Frank Kaminsky samtang nihatag og 16 puntos si Michael Kidd-Gilchrist. /