■ POLICE VISIBILITY.

Gihulagway sa Police Regional Office (PRO) 7 nga malinawon ang unang adlaw sa ASEAN Summit og wala makasugat ug dakong problema gawas lang sa kahuot sa dagan sa trapiko sa Mandaue atol sa pagbunok sa uwan kagahapon ug niadtong miaging adlaw.

Hugot nga gibantayan sa kapulisan ug sa 21 ka mga ahensya sa gobiyerno ang duha ka venue pinaagi sa pagtutuk sa ilang gimontar nga kapin sa usa ka gatus ka mga CCTV camera.

Gipakita ni Chief Supt. Noli Taliño ang ilang Multi-Agency Coordinating Center diin makita ang pagmonitor sa kapin sa mga CCTV camera nga gipang montar sa duha ka dapit nga gipahigayonan sa maong summit.

Ang mga camera gipanag-iya sa Metro Manila Development Authority MMDA ug sa PNP nga gihulagway ni Taliño nga mga high tech ug high resolution na ang video nga makita sa monitoring screen.

Dinhi pa lang ila nang mahibaw-an unsa ang angay nga hatagan og pagtagad ug dali ra usab kini nga masulosyonan sanglit naa ra usab sa usa ka lugar ang 21 ka mga ahensya nga maoy motubag sa labing dali nga panahon.

Giangkon sa PRO 7 director nga nakasugat silag gamayng problema sa dagan sa trapiko sa syudad sa Mandaue tungod usab sa pagbunok sa kusog nga uwan nga miresulta sa pagbaha sa karsada dapit sa tiilan sa Marcelo Fernan bridge.

Dali ra hinuon nasulosyonan ang maong problema pinaagi sa pagpadala sa suction pump aron madali pagwagtang sa tubig ug daling pag responde sa Department of Public Works and Highways.

Kapin sa lima ka libo ka mga police ang gipakatap sa venue lakip na sa billeting area sukad pa niadtong miaging semana apan kagahapon nakasugat.

Kagahapon nakasugat og gamayng problema ang lima ka catering services nga maoy gitahasan nga mopakaon sa mga police.

Matod ni Taliño nadilatar ang pamahaw sa mga police ug dali ra usab ni nga nasulbad sa mga gitahasan sa mga pagkaon.

“Nagkulang nang coordination yung involve doon sa food distribution at doon sa nag-dedeploy sa personnel but that was just during the first

day,” matod ni General Taliño. Ning padayon nga pag uwan nga nasinati sa Metro Cebu ang DPWH-7 ug ubang ahensya sa gobiyerno nag monitor sa agianan sa mga delegado gikan sa dakbayan sa Lapu-lapu paingon sa syudad sa Sugbo aron dili kini makabalda sa byahe. /

/ Allan Cuizon Ayaw kahibulong kon nganong mas daghang mga pulis karon sa kadalanan sa dakbayan sa Sugbo. Gitumong ang pagdoble sa police visibility tungod sa mga tigom sa mga opisyal sa Association of Southeast Asian Nations (Asean) dinhi.

/ Allan Cuizon ■ POLICE VISIBILITY. Gawas sa gatusan ka mga CCTV camera nga gipangbutang sa nagkalainlaing dapit, mga kapulisan usab ang gipakatap aron paghatag og seguridad sa Asean Summit nga gipahigayon sa mga dakbayan sa Lapu-lapu ug Sugbo,