Alvarez lisod matangtang

Nindot hisgotan ang nahitabo karon ni Speaker Pantaleon Alvarez. Bisan sa mga batikos sa iyang gihimo nga kunohay imoral kay nanguyab siya og lain bisan kon nagpabilin nga kasal siya sa iyang asawa, nagpabilin ang baga nga suporta sa iyang liderato sa Kongreso. Lisod pa nga matangtang si Alvarez sa iyang pwesto. Ikaduha, isog nga mibarog si Speaker Alvarez sa iyang gihimo. Wala niya gilimod ang iyang relasyon ug ang pagkatawo sa iyang uyab. Gibarogan ni Alvarez ang iyang paghigugma sa iyang uyab. Maayo na lang kini kon ikomparar sa uban nga molimod gihapon bisan nasakpan na. Ikatulo, wala moapil ang mga sakop sa pamilya ni Alvarez sa maong kagubot. Buot ipasabot, nasayod na sila sa gihimo ni Alvarez ug ang ilang pagpakahilom mahimo nga sabton nga ilang gipasagdan si Alvarez sa iyang gibuhat. Ikaupat, katawanan ang gihimo sa ubang mga tawo nga mona-mona og atake ni Alvarez kay kunohay imoral. Wala man gani moyawyaw ang asawa ug mga anak ni Alvarez, sila pa kaha?. Ila nga namatud-an nga vigilantes ang naghimo sa mga pagpamatay. Unsay reaksyon sa simbahang Katoliko? Di sila motuo kay nagtuo sila nga dunay kalabutan ang kagamhanan sa nahitabong pagpamatay. Nindot seguro og ipagawas sa simbahang Katoliko ang ilang gibasehan sa ilang pagtuo aron masabtan sab sa mga tawo. Adunay Obispo karong bag-o milatigo kang Presidente Rody Duterte nga kunohay nahimo nang diktador tungod sa plano niini nga motudlo na lang og mga OIC nga mopuli sa kasamtangan nga namunoan sa barangay sa tibuok nasod. Ngano kaha nga nag-apil apil na man kining maong Obispo sa pamulitika sa nasod? Kon gusto siya mamulitika, mas maayo unta og mogawas siya sa simbahang Katoliko ug mokandidato karong umaabot 2019. Anha maila og asa kutob ang pagsalig sa mga tawo kaniya. Gawas pa, madamay sa iyang gihimo ang ubang mga Obispo nga wala magpabadlong sa Presidente nga di idayon ang piniliay sa mga opisyal sa barangay karong Oktubre. Samot nga daghan ang miangay nga pulihan ang mga naglingkod karon sa mga OIC nga pinili sa Presidente. Ngano man?

Misugod na og kainit ang estorya nga dili madayon ang piniliay sa Oktubre kay motudlo na lang ang Presidente sa mga OIC. Gahinamhinam ang uban, ang uban sab nahadlok. Kadtong dunay koneksyon sa administrasyon, nalipay ug nagpanilap sa kahinam. Nagtuo sila nga dako ang posibilidad nga matudlo sila nga mopuli nga dili na kinahanglan mogasto para sa piniliay. Kadtong nailhan na nga kaanib sa Liberal Party (LP) maoy nangahadlok mapahawa sila sa pwesto tungod kay segurado man gyod nga pulihan sila sa ilang mga kaatbang. Mao kini hinungdan nga banha kaayo sila sa ilang reklamo nga ilegal ang giplanong buhaton sa Presidente.