Ngan ni Angara naapil sa hatag sa BFAR pumpboat

Senador Sonny Angara gipasalamatan sa paghatag og 20 ka mga fiber glass nga pumpboat sa Talisay bisan og giingong wa kini papel sa papgpanghatag ug igo lang kining misakay sa okasyon sa dihang niduaw dinhi sa Sugbo sa miaging semana.

Sa miaging semana atol sa pagduaw ni Angara sa Talisay, nitunol kini sa 20 ka mga pumpoboat nga alang sa 10 ka mga grupo sa mga mananagat sa Talisay.

Apan atol sa interview sa mga tigbalita, ang Regional Director sa Bureau of Fisheries and Aquatic Resources (BFAR, Allan Poquita, niingon nga wa siya masayod sa presensya ni Angara.

Gani sila mismo wa makahibawo nga anaa diay si Angara sa lugar ug natingala sila nga aduna nay daghang tarpaulin sa dapit diin ilang gihatag ang mga pumpboat nga adunay daghang hulagway sa senador.

Matod niya, ang kagamhanan sa Talisay ang naghimo sa programa aron sa pag-turnover sa pumpboat apan wa na siya nasayod kon nalakip ba si Angara sa programa.

Iyang gipasabot nga ang maong proyekto gihimo na sa BFAR bisan asang lugar sa Central Visayas ug karon pa lang sila nakasugat nga adunay senador nga mitambong.

“We do not know og unsa ang kuan ni Sen. Angara. Nagkataon lang nga ang LGU maoy nihimo sa arrangement sa schedule sa pag- turnover. Its BFAR’s

project,” matod ni Poquita. Si Angara ang aduna’y komitiba sa Senado nga Local Government Unit (LGU) ug ways and means.

Si Konsehal Antonio Bacaltos Jr., kinsa maoy nipapasar sa maong resolusyon sa pagpasalamat ni Anggara, nipadayag nga ang iyang pagtuo usa si Anggara nga nahimong responsable sa pagpanghatag og pumpboat.

Apan sa dihang gipangutana sa mga tigbalita, siya niingon nga wa usab siya masayod nga mao diay kini ang sitwasyon.