Kabit sa mga pulitiko

Way kauwaw ang pagtabi og dala nga hambog ni Kongresista Panta Alvarez, Speaker sa Kongreso sa pangangkon nga wa mag-inusara sa pagpangabit.

Kay kon natangtangan ug lesensya sa pagka abogasya ang ubang mga abogado ang may kabit siyaro ug di madutlan si Alvarez.

Kon basihanan ang pagka suspenso sa pagka kongresista ni Alvarez sa isyu sa imoralidad, atong paabuton ang pagtumaw sa reklamante sa habig sa babaye nga giabusohan niini aron dunay gibug-aton ang kaso batok sa kongresista.

PLANO NI SYBICO

Para nako, maayo ang plano ni Provincial Board Member Jude Sybico, Majority floor lider sa pagpalambo pa sa duwang badminton ug sa pasilidad niini sa siyudad sa Danao.

Di pa lang dugay naangkon ang kalampusan sa 3rd Durano Sybico Badminton Tournament nga gisalmutan sa taga Danao ug mga silingan lungsod alang sa open category.

Sa interview sa Agila, mipadayag si Sybico, sa kalipay sa kalampusan sa mga magduduwa sa siyudad ilabi na ang mga kabataan sa pakig kompetensya sa mga dagko nga open tournament sama sa Milo nga nakaangkon og kampeyonato.

PARI NASUKO SA MAYOR

Dako nakong kahibulong nga nasuko si Father Roy Bucag ni Mayor Tiring Esgana sa lungsod sa State Fe alang sa Music Festival karong April 15, Sabado.

Ikalipay unta ug di ikasuko sa Pari ang kalihukan nga may kalambigitan sa kasaulogan sa Holy Week. Makatabang sab kini sa pagpalambo sa natad sa turismo ug di man sab tingali pag bugalbugal sa kasaulogan.

Ang nadawat nakong report hinakot gikan sa mga silingang lungsod sa Sta Fe ang giingong 300 apan 50 ra diay ka mga tawo nga mitambong sa rali nga nag supak sa festival.

Maayo tingali og lingkoran aron estoryahan sa mayor ug pari aron makakita ug maayong solusyon kining gamay ra kaayo nga problema.

SAMBAG UNO, DUHA NA?

Atong pasabton nganong duha na ang Barangay Sambag Uno sa dakbayan sa Sugbo.

Ang akong ipasabot kay duha na ka buok ang nag serbisyu ngadto sa katawhan. Kini human gitudlo Cebu City Mayor Tomas Osmeña, si Ailen Guardo isip pangulo sa Barangay Management Office (BMO).

Kay anaa man sab si Lemar Alcover, nga maoy barangay Kapitan, nga naghatag sab sa iyang serbisyo sa mga lumolupyo pinaagi sa pag-abag sab sa amahan niini nga si Konsehal Jun Alcover.

Naa si Lemar ug anaa sab si Ailen ang asawa ni Konsehal Jerry Guardo. Sa ato pa pagka bulahan sa lumolupyo ky magpalabwanay naman unya sa ilang serbisyo ang duha.

Kini hinuon maghatag ug kainit sa pulitika sa barangay. Kay ang duha manag karibal sa pulitika.

Si Ailen gipildi ni Lemar sa miaging piniliay sa barangay ug miabot gani sa ponto sa pagkinihaay tungod sa isyu sa pagpanikas. (