AUDIENCE SA `THE VOICE’ GILAYOG SA SIKYU
Mireklamo kadtong lalake nga gihulagway nga aspiring rapper nga nailhan sa pangalan nga Dr. A.C. nga diriyot mabali ang iyang liog human siya gilayog sa mga sakop sa security sa reality show nga `The Voice’.
Base sa video clip ang lalake nga nagsul-ob og baseball cap ang kalit misaka sa stage human gihinganlan ang winners sa ‘The Voice’ finals nga nagdala-dala og bond paper nga buot niyang ipabasa sa publiko.
Apan abtik kaayo ang mga sikyu og gihamagan ang maong lalake nga misamok sa live broadcast sa maong show ug gi-escortan pagawas sa maong venue diin mga celebrity judge Tom Jones ug Jennifer Hudson ang nakurat sa maong panghitabo.
“The Security of @ITV almost choked me to death for wantin to show a few ideas – Big Media praises security! #TheVoiceUK,”
"I was holding up IDEAS. I wasn't holding up a GUN. So how comes that the disrespect for TRUTH continues????,” tipik sa tweet ni Dr. A.C.
Gi- post sa maong lalake sa iyang social media account ang nasuwat sa papel nga iyang giwara-wara sa stage diin natala:
"Journalists of the big media or middle-age and ancient priests; Stop murdering independent thinking.
"Oppression of ideas is not freedom. Thug-life is not art. "War is not peace. "I demand change in the way big media control information based on four ideas."
"Positive thinking. Movement creativity. And fairness."