Way puangod

Dear Papa Joe, Ako diay si Jelly, 17 years old, taga Mindanao pero naa na ko sa Cebu kay naa daw akong papa diri mao nga nagkita mi. Maayo siya nako at first ug ang akong mga igsuon. Karon niabot ang panahon nga nigawas gyud iyang pagka hayop. Wala ko magdahom nga iya kong hilabtan. Wala ko magdahom nga mabuhat niya kadto, di lang ka usa, kon di sa makadaghang higayon. Tan aw sa mga tawo namo kay normal ra mi. Grabe iyang pakitang tao.

Relihiyuso kaayo siya kay grabe iyang serbisyo sa simbahan. Pero dihang nigrabe na ang iyang panghilabot nako, gidaut pa ko niya sa mga tawo nga kiatan ko. Nitug-an ko sa iyang mga igsuon. Sa sinugdanan nilaban sila nako pero nahibung ko nga karon ako man ang nabati human ko na ni- decide nga di mokiha kay ma eskandalo.

Karon, wala na koy padulngan unya naa ko karon sa akong usa sa akong paryente. Pero bati kaayo sila motagad nako kay gidaot na man ko og maayo sa giila nakong papa. Unsa may angay nakong buhaton? Palihug tambagi ko. JELLY Jelly,

Di pa ulahi ang tanan. Kon gusto nimo ikiha siya, makiha man nimo ba. Kay kon di man gani siya makombikto, at least ma address nimo nila nga di ka ing ana. Naa gyuy mga tawo nga way puangod nga bisan ang kaugalingon nga amahan makaako sa paglugos sa ilang kaugalingong unod. Labi na nga di gyud ka sure nga imo na nga papa kay di baya diay ka taga diri.

Di gyud malikayan nga molaban ang mga igsuon ana niya kay wa man ka magdako nga naa sila. Kon di ka mokiha, mas maayo sad nga mangita na lang ka og trabaho bisanm sa balay lang sa ug maningkamot nga makahuman ka. Isalig ang tanan sa Ginuo kay Iyang ihatag kon unsa man ang imong gipangayo. PAPA JOE

(sa inyong tampo ipadala lang sa papajoesuperb@gmail.com)