MCWD mihangyo sa Mandaue nga mogamit og luna
Nihangyo ang Metropolitan Cebu Water District (MCWD) sa kagamhanan sa dakbayan sa Mandaue nga mogamit sa usa ka ektaryang luna sa Barangay Umapad Landfill isip dapit alang sa Sewage Treatment Plant (STP) ug paghimo og feasibility study sa Japan International Cooperation Agency ( JICA).
Apan ang request ni MCWD Acting General Manager Noel R. Dalena gi- refer ngadto sa komitiba sa pagpanalipod sa kalikupan.
“Being a water district is mandated by law to implement a comprehensive septage management program in all of our area of service, we have now an operational septage treatment pant in the island Mactan,” matod ni Dalena.
Dugang ni Dalena nga buot sa MCWD nga ireplika ang septage treatment plant sanglit anaa pa sa sayo nga ang-ang sa paghimo ning programa sa dakbayan sa Mandaue.
Padayag ni Dalena nga gihatagan silag oportunidad nga mahimo ang programa sa posibleng grant gikan sa JICA uban sa dakbayan sa Yokohama, sa pagkakaron, anaa sila sa feasibility study phase.
Si Dalena niingon nga usa sa mga requirement mao ang gi- propose nga lokasyon ug luna nga butangan unya sa septage treatment facility.
“We humbly request your legislative support for the use of one hectare in the Umapad Landfill in the JICA study and hopefully for it to be the final stage of the STP. We extend our grateful appreciation to your favorable consideration and support as together we strive for a clean and sustainables drinking water sources for the constituents of the City of Mandaue,” matod niini.
Ang Septage and Sewerage Management Ordinance sa dakbayan sa Mandaue gipasar niadtong 2016 aron makahimo og saktong sewage treatment and septage management system sa dakbayan sa Mandaue aron masiguro ang sustinable nga kalimpyo sa kalikupan.
Ubos sa ordinansa, kini nagkinahanglan sa “dislodging” sa tanke sa tubig matag lima ka tuig apan wa nakatuman niini ang mga residente tungod sa kamahal, samtang ang pribadong kompanya nga nihimo ug dislodging nga serbisyo way treatment facilities sa mga hugaw.