Import sa Barangay Ginebra mubo apan sakit

Gipamatud-an sa Barangay Ginebra nga dili babag sa ilang kampanya sa PBA Commissioner’s Cup bisan og aduna silay mubo nga import sa dihang gipukan sa Gin Kings ang inilog nga Star Hotshots, 113-98, niadtong Dominggo. Ang nagpadayon nga conference mitugot nga makakuha ang matag team og import nga may 6-10 ang gitas-on, apan ang Kings mas mipalabi sa serbisyo ni Justin Brownlee, 6-5, kinsa maoy naghatag kanila og titulo sa niaging Governor’s Cup.

Batok sa Hotshots, si Brownlee

mitali og 30 puntos, 15 ka rebounds, unom ka assists, upat ka blocks ug duha ka steal ug wala kini makahimo og turnover sulod sa 40 minutos.

Kini maoy igo na kaayong naghatag og mensahe ngadto sa ubang mga teams.

“Yeah, I think this game definitely proved something to the league,” matod ni Brownlee sa

Spin. PH. “I’m sure a lot of people question – I didn’t hear too much, but I’m sure a lot of people questioned us about playing me as a small import against the other bigger imports.”

“So I think this game was definitely

a statement for us and we’re definitely gonna use the momentum from it,” dugang niya. Pulos man tuod siya sipyat sa pito ka itsa sa three-point area, apan ang iyang 11 sa 16 shot sulod sa shaded area ug 80 porsiyento usab kini sa free throw area ug ang iyang kahanas sa ilawom bisan ug mga tag-as pa ang depensa maoy impresibong napakita kaniya ni coach Tim Cone.

“Justin causes a lot of problems with people,” dayag ni Cone. “He can play in and out, handle the ball, make great passes, he’s a good defender."