Inahan sa 'sakop' sa Abu sa Bohol miawhag sa iyang anak pagtahan

Ang inahan sa usa sa mga gidudahang sakop sa Abu Sayyaf nga nalambigit sa engkwentro tali mga tropa sa kagamhanan niawhag sa iyang anak sa pagtahan.

Si Norma Melloria, 67, niangkon ngadto sa mga reporter nga ang iyang kamanghurang anak nga si Joselito, 33, usa sa mga sakop sa Abu Sayyaf nga nakaingon sa engkwentro sa Barangay Napo sa Inabanga, Bohol niadtong Martes.

Matod ni Melloria nga niadtong Martes, dihang mobiya na siya sa ilang balay sa sityo Ylaya, niabot ang iyang anak nga dunay kuyog nga upat ka mga tawo, apil na niini ang lider nga si Muamar Askali, alias Abu Rami.

Matod niya nga si Joselito nagdala og usa ka sako nga bugas dihang nisulod sa balay.

Si Melloria niingon nga nibiya siya sa Bohol paingon sa Cebu City aron pagtambong sa gradwasyon sa iyang apo dihang ang iyang anak ug mga kauban nakahukom sa pagpuyo sa ilang balay.

Nakugang siya dihang nakakita sa iyang anak kay katuigan na sukad siya nakakita niini.

Iyang gikompirmar nga ang iyang anak ug mga kauban nanagdala og tag-as nga mga armas.

Usa sa iyang mga apo nakakita kang Askali nga naglimpyo sa iyang armas sud sa balay sa wa pa ang engkwentro.

Diha ra niya naamguhan pinaagi sa balita kon unsay tuyo sa iyang anak.

Nakahukom siya sa pagpa-interview human siya gibasol sa ilang mga silingan sa hitabo.

Nanghimakak siya nga nakahibawo siya nga ang tuyo sa iyang anak mao ang kagubot.

Nakadungog usab siya og mga hungihong nga ang iyang anak nagpasakop sa Islamic State of Iraq and Syria (ISIS).

Diha ra siya makatuo human siya makadungog kang Lea, asawa ni Joselito, nga iyang gibiyaan ang iyang pamilya aron moapil sa wa pa masayring grupo sa Zamboanga.

Nanghimakak usab siya nga ang magtiayong Constancio ug Crisanta Petalco mga sakop sa Abu Sayyaf.

Iyang giawhag ang iyang anak nga si Joselito sa pagtahan.