Easter Sunday
Daghan nang mga tawo sa pag-abot nako sa
Tugnaw ang kadlawon maong nag- sweater churchko. Wa plaza.pa Easter magsugod Sunday. ang Misa para sa
Daghan gyud ang motambong sa Sugat dinhi sa among lugar sa Sogod, usa ka lungsod nga layo sa siyudad. Way trabaho ug summer vacation maong daghan gyud ang motambong sa Misa. Tradisyon na kini sa mga Katoliko.
Nagdala kog lingkoranan kay wa may giandam nga kalingkoran ang simbahan. Naa sa luyo sa simbahan ang maong lugar nga gipahigayonan sa maong Misa. Milingi-lingi ko sa pamasin nga duna koy kaila nga akong duulon ug ikaestorya. Laay man gud kon mao rang usa labi na kay wa pa sugdi ang Santos nga Misa.
Every summer vacation ra ko moanhi sa Sogod. Tua na ko magpuyo sa siyudad uban sa akong parents ug duha ka manghod. Sa balay sa akong Lolo ug Lola ko nagsaka.
Mikuba ang akong dughan kay didto sa unahan nakita ko sila si Shieryl ug Gerald. Nagtupad sila paglingkod sa bangko. Gidala tingali nila ang maong lingkoranan. Duol ra sa simbahan ang tagsa-tagsa nila ka balay. Miginhawa kog lawom kay mihuot ang akong dughan.
Milingi si Gerald sa akong nahimutangan. Hayag ang lugar tungod sa daghang suga. Klaro nga nakalitan si Gerald pagkakita nako. Wa tingali siya magtuo nga magkakita mi karong Easter Sunday. Kaniadto nga duna pay klase, nagkakita mig kausa sa downtown. Nagkasugat mi. Gikan ko sa eskuwelahan, ug lagmit gikan sab siya sa eskol. Naglikay ko niya ug wa ko siya tagda dihang iya kong gitimbaya. Naglagot ko niya.
Unsaon man gud, nangulitawo siya nako kaniadto. Daan na ming kaila ug nagkasuod kay schoolmate man mi sa hayskol sa lungsod sa Sogod. Fourth year mi niadtong higayona. Si Shieryl nga akong ig-agaw maoy iyang bearer diri nako. Kasugtunon na gyud unta ko kang Gerald apan nahibaw-an nako nga nagkahinigugmaay sila si Shieryl. Wa gyud ko magdahom nga mao toy mahitabo. Hangtod si Shieryl akong gikalagotan.
Human sa among graduation sa hayskol, namalhin sila si Mama ug Papa sa pagpuyo sa siyudad kay gihimo na mang manedyer si Papa sa gitrabahoang kumpaniya. Gisakitan gyud ko sa nahitabo sa akong lovelife.