5 tips aron ma- enjoy gihapon ang summer bisan og nagtrabaho

Kahinumdom ka niadtong ang summer mao ang panahon nga magduwa mo’s imong mga higala hangtod mongit-ngit nalang, nagpa-init og maayo sa dagat ug nagbakasyon kauban ang pamilya?

Karon nga dako naka, ang summer siguro alang kanimo, mao kini ang panahon nga makasinati ka’s kainit sa panahon nga mogawas ka sa inyong office kay nagtrabaho man ka’g alas 8:00 sa buntag ngadto sa alas 5:00 sa hapon.

Apan ayaw kabalaka kay anaa gihapon ka’y mga pamaagi nga ma- enjoy ang summer bisan og nagtrabaho ka.

Dili siguro siya susama sa mga nangagi nga tuig nga bata pa ka apan ma- enjoy gihapon kini nimo karon nga usa naka ka-trabahante.

Pipila siguro ninyo human sa graduation, nagsugod dayon og trabaho.

Apan tan-awa ang positibo nga aspeto nga aduna gihapo’y lingaw sa ting-init ug samtang naglingaw-lingaw ang uban, ikaw nangwarta alang usab sa imong gidahom nga bakasyon.

Ania’y mga pamaagi: 1. Pagplano bisan usa ka laag sa weekend Di pa siguro ka makabakasyon og taas sa mga dapit nga gusto nimo apan mamahimo ra siguro nga Sabado ug Dominggo nga getaway diba? Kon anaa ka sa Sugbo, anaa’y Moalboal diin mamahimo nga mohapit sa Badian alang sa Kawasan Falls. Ayaw kalimot nga sa amihanan, aduna’y isla sa Bantayan o sa Malapascua. Pangita og dapit kon asa ka karon nga duol aron mas taas ang panahon nga malingaw ka ug mas mubo ang biyahe. Ineg balik nimo sa Lunes, refreshed na ka ug andam na usab ka sa nahabilin nga adlaw sa ting-init.

2. Himoa imong opisina nga susama og tropical paradise

Dili tungod kay dili ka makaadto sa Boracay alang sa LayBoracay, wala usab magpasabot nga dili na nimo mafeel ang Boracay. Pagbutang og mga dekorasyon sa imong desk nga susama og paraiso nga anaa ka sa isla nga puti ang bas ug tin-aw ang dagat. Mamahimo usab nga magbutang ka’g scented nga kandila nga aduna’y baho nga buko, dagat, o palmera. 3. Adto paniudto gawas sa imong office Nakasabot mi, init. Apan mahimo gihapon nga ma- enjoy nimo imong lunch break kon sa gawas kini nimo buhaton. Human sa pipila ka adlaw nga nahuwasan naka’s kainit, inom og vitamin D. Kaon sa imong paniudto ilawom sa init sa adlaw o lakaw-lakaw human sa imong paniudto. Makahatag pa ang init nimo og tan-like skin, oh diba? Ayaw kalimot og sun block.

4. Suway og bag-o

Usa sa nindot nga buhaton sa bakasyon kining mobisita sa nagkadaiyang kan-anan ug bars, ug mamahimo gihapon kini nimong mabuhat. Karong ting-init, suwayi pagpangita og dapit,

restaurant o bars, nga wala pa nimo nabisita. Mamahimo usab adto sa mga bag-o nga kan-anan. Bonus na kini nga anaa ka sa bag-o nga lugar, samtang ma-enjoy gihapon nimo imong kaugalingon nga higdaanan.

5. Ayaw palabi sa imong overtime

Mamahimo raman gihapon ka’ng mag- overtime, apan kon mamahimo, ayaw sa summer. Himoa kini sa ting-uwan, kana ba’ng naa ka’y rason nga dili mouli og sayo kay gauwan pa. Sa

summer, anaa gihapon ka’y pipila ka oras nga I- enjoy ang init sa adlaw, pahimusli kini. Gawas kon emergency, ayaw pag- overtime. Pwede ra usab magdala ka’s imong beach

bag sa imong sakyanan aron dali ra kang makadalikyat sa dagat kon ganahan ka. (Tinubdan: