K.O. ANG TINGUHA
Determinado si Filipino boxing icon Manny Pacquiao nga tuldokan ang walo ka mga tuig nga wala siya’y knockout nga kadaugan sa iyang pagpakigbatok kang Autralian Jeff Horn karong Hulyo 2 sa Suncorp Stadium sa Brisbane, Australia.
Sa naandan, ang Pambansang Kamao sa Pilipinas mag-training sulod sa walo ka mga semana sa dili pa ang away apan ning higayuna, nagsugod na kini og pakondisyon, kapin sa 10 ka mga semana sa dili pa ang away.
Gusto sa figthing senator nga kondisyon na ang iyang lawas inig abot sa iyang banggiitang trainer nga si Freddie Roach.
Gilauman nga ipahigayon sa Manila ang dakong tipik sa training camp ni Pacquiao aron makadalikyat kini sa iyang obligasyon sa senado.
“There might be 55,000 people in the (Suncorp) Stadium cheering for Horn but that will
only encourage Manny to put on the best show he can,’ matod ni Roach sa interbyu sa fox sports.
“He will be the very best he can be for this fight because we know Jeff Horn will be at his best too.’’
Si Pacquiao katapusang nakamugna og knockout nga kadaugan niadto pang 2009 diin gipaundang niya si Puerto Rican Miguel Cotto sa 12th round.
Human niini, 12 ka mga away ang gisagubang sa 8-time world champion diin nakasinati siya og tulo ka mga pilde. Sa siyam nga iyang gipangpilde, wala’y na-knockout.
Nagtuo si Roach nga kinahanglang makaposte si Pacquiao og makapaukyab nga kadaugan batok kang Horn aron makakuha kini og mas dako pa’ng away sa sunod niining tahas.
“There are some big fights coming up for Manny in the near future and Jeff Horn is just the kind of opponent Manny
needs to prepare for those,”
pasabot ni Roach. “We’re going for the knock out.”
Si Pacquiao adunay 59-6-2, 38 KOs nga rekord samtang si Horn naggunit og 16-0-1, 11 KOs nga baraha.