Phil gusto'ng mobiya si Anthony sa Knicks
Misamot kalubog ang relasyon sa New York Knicks ug ni Carmelo Anthony human sa pamahayag sa presidente sa team nga si Phil Jackson nga mas maayo pa kon sa laing team moduwa ang 9-time All-Star.
Sa usa ka press conference human napakyas sa ikatulong sunodsunod nga tuig ang Knicks pagsulod sa playoffs sa National Basketball Association (NBA), nagkanayon si Jackson nga dili haom ang katakos ni Anthony sa Knicks.
“I think the direction with our team is that he would be better off somewhere else,” batbat ni Jackson. Misaka ang tensyon tali nila ni Jackson ug Anthony niadtong Enero dihang usa ka kulomnista nga giingong suod ni Jackson ang misuwat og negatibo batok kang Anthony.
Nagtagbo ang duha sa tinguha nga sulbaron ang isyu ig gikatahong gisultian ni Anthony si Jackson nga gusto siyang magpabilin sa Knicks.
Apan usa ka bag-ong libro, gisaway ni Jackson si Anthony.
“If somebody was talking bad about you indirectly at your job, what would you do?” asoy ni
Anthony. “You would feel a certain way. You would want that person to come straightforward with you.” Ang komentaryo ni Jackson migawas human nakadesisyon ang Knicks nga ipabilin niini si Jackson isip team president sa magsunod duha ka mga tuig.
Si Jackson, 71, maoy labing malampuson nga coach sa NBA diin nakaangkon na kini og 11 ka mga titulo, unom sa kampo sa Chicago Bulls ug lima sa Los Angeles Lakers.
Sa sayo pa, adunay hugonhugon nga posibleng mabalhin si Anthony sa tungatungang bahin sa regular season gumikan sa dili maayong relasyon ni Anthony sa management.
Hinuon nahilothilot ra ang mga panagbangi ug padayong niduwa si Anthony sa Knicks apan padayong nagkagidlay ang ilan kampanya.