Kiwawan man ko

Dear Papa Joe,

Tawga lang ko sa ngalan nga Louise, 28 anyos, baguhay lang naminyo. Maaayo man akong bana pero ang wala lang nako mauyuni kay ang iyang kaliwat. Well maayo man iyang mga kaliwat in general pero, wala lang siguro ko maanad sa set up nila kay ang iyang man gud parents naka base sa Europe kay tua nag work mao nga naa mi ga puyo sa ilang balay nga matod pa sa akong mga in-laws kay balay ra sad daw namo kay asa man padong ilang kabtangan kon mamatay sila.

Okay man kon mao na pero ang nakapait kay di lang kami ang namuyo, naa sad iyang mga igsuon nga mga minyo sab. As in tulo mi ka pamilya sa sulod. Usahay naa pay paryente nga moistar kadiyot kay dako man ni nga balay, masulod pang lima ka sakyanan sa ilang nataran.

Pero mao lagi na nga wala koy peace of mind. Ganahan gyud ko molahi pero unsaon man nako sa pagsulit o namo pagpananghid? Palihug tambagi ko. LOUISE Louise,

Mas maayo gyud tuod og maglahi mo sa pagpuyo. Maayo man sad unta nga naa mong duha nagpuyo sa mao nga balay kay libre ug hamugaway man kaha diha kay mahal baya ang balay ron kon paliton o bisan abangan. Pero ang nakapait lang kay daghan mo diha ug wala moy privacy.

Dili lang siguro ikaw ang naka feel og awkwardness diha, apil na siguro ang mga pamilya sa imong mga in laws.

Apan siguro they are grabbing the opportunity nga libre mao nga naa diha sila namuyo for a start. Sultihi imong bana about ana nga uneasy ka sa set up kay basin nag-agad ra sab na siya nimo. Kon di sad siya ganahan mobiya diha aw naa ra gyud na tanan nimo since minyo na mo ug wala gyud sad ninyo planoha daan ang tanan. Pero ayaw lang sa ka dismaya, suwayi lang una diha pagpuyo. PAPA JOE