MGAPASIAW, AWIT UG KINABUHI NI JUN VILLARTA
MGA PASIAW, AWIT UG KINABUHI NI
Pamilyar tingali mo sa komedyanteng singer ug artista sa Sugbo nga si Jun Villarta. Nahimo siyang contestant sa Tawag ng Tanghalan segment sa It’s Showtime sa ABS-CBN niadtong Dec. 19, 2016, diin iyang gipakatawa sa iyang mga pasiaw dili lang ang madlang pipol kundi lakip ang phenomenal box office star Vice Ganda. Si Jun Villarta, 51, nahimong kargador, namali�ya og botelya ug nag-general worker sa Taiwan apan taliwa sa kalisdanan nagpabiling No. 1 ang pagkanta sa iyang kasingkasing. Karon usa na siya sa mga regular talent sa Cebu Catholic Television Network (CCTN). Faustino “Jun” Villarta, Jr., Ssssuper Ka!
Kumusta ang experience sa Tawag ng Tanghalan?
Nindot, bisan wala ko mada, pero nalipay ko nga nahatagan ko’g higayun nga mapakita ang akong talento.
Walay nikuha nimo sa Manila?
Lisud kay naa man koy regular shows sa CCTN. Pero niadtong dekada `90 nakatrabaho na ko sa Manila isip sing-along master sa "Bagets Sing-along" sa Muñoz, Quezon city ug sa Recto.
Unsay shows nimo sa CCTN?
Naa koy sitcom, “Kikoy and Lucing” ug “Lucing Ako si Kikoy.” Regular sad ko sa musical shows nga “Handurawan” matag Sabado, alas nuwebe sa gabie, ug “Salamat sa Musika” matag-Dominggo, alas 10 sa gabie.
Dugay na ka sa CCTN?
Mga siyam na katuig. Pero nagsugod gyud ko 2004 pa sa “Salamat sa Musika,” diin ko nakit-an ni Direk Titing Ceniza (musical director sa Handurawan).
Asa ka nagsugod og kanta-kanta?
Sa Plaza Independencia mga sais anyos pa ko manaygon na ko sa plaza, akong kantahan ang mga manag-uyab nga mag-date. Sukad ato hangtod karon ang pagkanta mao na’y nahimo nakong panginabuhi.
Mao gyud ni imong bread and butter?
Mao ra ni, kanta-kanta ray gisaligan. Hasta akong mga anak mokanta na pud para makapalit sa among konsumo. Kon walay booking, wala pud kunsumo.
Singer sad imong mga anak?
Ang nipadayon ang kinamanghuran, si Aries, 23 anyos, naa sad sa entertainment. Pero ang duha, silang Akero, 30, ug Ariko, 28, duna na silay ilang kaugalingong negosyo.
Imong misis? Naa ra sa balay, housewife. Unsa ka sa balay seryuso or komedyante gihapon?
Serious ko, estrikto ko nga pagka-amahan. Pero bisan Elementary graduate ra ko, nakatapos na sila tanan sa high school. Ila na nang choice nga dili mopadayon sa college. Unsaon nimo pag-describe ang imong kaugalingon? Simpol pero may dating, yuck! Hehehe…
Duna nay niingon nimo nga maora kag si Yoyoy Villame?
Daghan na, ako nang idol si Yoyoy. Mao gyud nay akong paborito, mga novelty songs. In born gyud ni akong tingog, natural talent.
Taga-asa gyud ang mga Villarta?
Canungahan, Naga.
Unsay mga paborito nimong kanta?
Barangay Tinapay (Yoyoy Villame), Help Yourself (Tom Jones), Spanish Eyes (Engelbert Humperdink), Ngayon at Kailanman (Basil Valdez), ug Kuradang (Max Surban).
Upcoming shows?
Basin madayon puhon karong Mayo naay concert for a cause si Max Surban sa Labangon ug usa ko sa mo-perform.
Asa ka puwede maimbitar?
Sa CCTN Channel 47 or sa akong cell no. 09428003912. Kon mahimo call lang kay maglisud ko og text Chinese blood akong mata. Hehehe…