HOLLYWOOD FB CHIEF NANGAYOG PASAYLO
Facebook co-founder Mark Zuckerberg mipaabot sa iyang simpatiya ug pagpangayo og pasaylo ngadto sa kabanay niadtong biktima nga gipusil-patay diin gi-FB live ang krimen.
"Our hearts go out to the family and friends of Robert Godwin Sr," pamahayag ni Zuckerberg atol sa gipahigayon nga Facebook's annual F8 developers conference.
Suspek sa pagpatay nga si Steve Stephen nga subject sa manhunt operation ang gikatahong naghikog pinaagi sa pagpusil sa iyang kaugalingon sa dihang gigukod sa mga pulis kagahapon.
Nasayran nga si Stephen mi-upload sa video diha sa iyang Facebook account nga nagpakita sa iyang pagpusil sa 74 anyos nga si Godwin, nga taga-Cleveland, Ohio.
Si Godwin gikan pa nagsaulog sa Easter Sunday uban sa iyang pamilya sa dihang nahitabo ang pagpamusil.
Nanghambog pa ang suspek atol sa Facebook Live
streams nga gawas ni Godwin aduna pa siyay laing napatay.
"We have a lot of work and we will keep doing all we can to prevent tragedies like this from
happening," saad sa FB CEO nga si Zuckerberg.
Milanat og duha ka oras una na tangtang sa Facebook ang makalilisang nga video diin makita pa nga nagpakiluoy ang biktima sa gunman sa wa pa pusila.
Sa laing bahin, si Calvin Williams sa Cleveland police mipahinumdom niadtong social media users o netizen sa ilang responsibilidad.
"I think the people on social media kind of know the power and I think they know the harm it can do.
"We've talked before about people not living their lives on social media and being truthful on social media and not harming people via social media.
"And this is a prime example, this is something that should not have been shared around the world. Period," sey pa ni Williams sa press conference human gikatahong naghikog si Stephen sud sa iyang sakyanan tunga-tunga sa nahitabong ginukdanay.