INSEKTO MIGAWAS SA PAA SA BABAYE
Sama sa usa ka salida sa sine nga Alien ang nahitabo sa babaye nga Chinese dihang usa ka insekto ang kalit nigawas sa iyang hubag sa paa.
Ang 28-anyos nga babaye nga taga Shanghai ug giila lang sa apelyido nga Gu, nisuroy sa South America kuyog sa iyang mga higala niadtong Marso.
Apan samtang didto pa sila sa Brazil, si Gu napaakan sa usa ka insekto nga usa ka human botfly (Dermatobia hominis) sa iyang tuong paa.
Wa niya panumbalinga ang mga hubag hangtod nga nauli sila sa China.
Pagka Abril nakugang na lang si Gu dihang kalit naukab ang usa sa mga butoy sa iyang paa ug nasinati niya ang tumang kakatol.
Laing duha ka mga insekto nga buhi pa ang nakuha usab sa mga doktor sa Longhua Hospital.