Ulo sa imahen ni Hesukristo 'milihok'

SuperBalita Cebu - - GAWAS SA NASOD -

Gihulagway sa mga tawo nga nakasaksi sa giingong paglihok sa ulo sa imahen ni Hesus nga gilansang sa krus atol mismo sa Biyernes Santo nga usa ka milagro.

Ang talagsaon nga panghitabo natigayon sa usa ka simbahan sa Jalisco, kasadpang estado sa Mexico.

Pipila ka mga manimbahay nangangkon nga nakuhaan nila og video ang paglihok sa ulo sa gilansang nga Ginuo sa simbahan sa Santa Ana sa Tepetitlan.

Sa pakighinabi sa lokal nga media, si Estela Gomez, namahayag nga ang panghitabo nagpaabot nga dunay buot nga ipahayag ang Ginuo sa katawhan.

Laing molupyo nagkanayon nga usa kini ka milagro.

Apan sa taho sa Mirror News, si Juan Antonio Guerra Lule, usa ka pari, dili motuo nga usa kini ka milagro.

Apan iya kining gihulagway nga usa ka nindot nga hitabo atol sa pito ka katapusang mga pulong sa Ginuo sa misa.

Siya nagtuo nga daw sa nilihok ang ulo dihang nalugak ang pisi nga naghawid niini.

"It is a natural movement, it is normal," dugang ni Padre Guerra Lule.

Ang 300 ka tuig nga ulo ni Kristo kasagaran ipahiluna sa usa ka bildo nga lungon, apan gumikan sa tinuig nga pagtimaan sa Biyernes Santo, gibutang kini sa krus.

Si Padre Guerra Lule wala mopatawag sa mga opisyal sa simbahan bahin sa maong tilimad-on.

Newspapers in Tagalog

Newspapers from Philippines

© PressReader. All rights reserved.