Russian robot makamao mamusil, mo-drive

Naghimo og robot ang Russia nga dunay abilidad nga makamaneho og sakyanan, mag push-ups ug makamao mamusil. Sa taho sa Mirror News, kini nga klase sa robot mahimo i- program aron makabuhat sa iyang kaugalingon nga mga desisyon gamit ang artificial intelligence. Gitawag kini og Combat Robot F.E.D.O.R. Ang mga opisyal sa Russia nibarog nga dili gamiton ang maong robot isip killing machine pagpatay sa mga kaaway. Sa usa ka footage, makita ang robot sa shooting range nga nagpabuto og armas. Sa laing mga video, makita usab kini nga nagmaneho og sakyanan.