Lola, 95, model sa mga senina

Si Ernestine “Ernie” Stollberg nag-edad nag 95 apan nalambigit siya sa kalibutan sa “fashion”.

Ang lola giila na karon nunot sa iyang lahi nga istilo sukad nga nigawas siya sa promotional shots alang sa usa ka tindahan sa Vienna, Austria.

Migawas na usab karon sa fashion bible nga Vogue si Stollberg.

Ang tiguwang misita karon sa ilang siyudad nunot sa iyang mga hulagway sa social media nga nagsul-ob siyag avant-garde nga ang label niini Park.

Ang mga hulagway nagpakita sa mga nagkadaiyang imahe ni Stollberg uban sa langgam, nga gisalimbungan sa handbag ug mipagawas siya sa iyang dila.

Kanhi dancer

Ang kanhing revue dancer gusto kaayo nga moposing atubangan sa camera.

Ningadto siya sa Park store aron hagwaon ang iro sa tagiya niini.

Ang mga boss sa shop nga silang Markus Strasser ug Helmut Ruthner nakabantay nga photogenic si Stollber hinungdan nga gihimo kini nilang “star”.

Alang sa Park, lahi ang posing ni Stollber apan niangkon siya nga di siya mohimo niini sa inadlaw niyang kinabuhi.

“I would not wear that on the street,” nagkanayon ang lola diin gikutlo sa taho sa Mirror News.

Apan kay hapit naman mosobra sa 10,000 ang iyang follower, daghang mga tawo ang nakagusto sa gibuhat ni Stollberg ilabi na kon siya ang model sa mga uso nga senina.