SAKOP SA ABU SIGE OG TEXT NI NOBLEZA

Cellular phone ni Supt. Ma. Cristina Nobleza nga nasikop sa Bohol uban sa usa ka bomb expert sa Abu Sayyaf nga si Renierlo Dongon nahiling na sa mga imbestigador sa Camp Crame.

Nasuta nga dunay komonikasyon tali kaniya ug sa usa ka Abu Sayyaf fighter nga naengkwentro sa mga sundalo.

Gikompirmar sa hepe sa Police Regional Office 7 Chief Supt. Noli Taliño nga duna silay nakuha nga impormasyon sa cellular phone ni Nobleza sa dihang gisusi kini sa mga imbestigador.

Matod ni Taliño nga bisan wala niya mabasa ang unod sa text message sa telepono ni Nobleza apan ilang nahibaw-an nga duna silay komonikasyon sa usa sa mga sakop sa Abu Sayyaf nga na engkwentro sa militar ug kapulisan

Tungod niini mopalawom pa sa imbestigasyon ang kapulisan nga gitahasan sama sa Criminal Investigation and Detection Group aron masuta ang kalambigitan ni Nobleza sa mga sakop sa Abu Sayyaf.

“As of this time we cannot divulge anong laman nung cellphone kase nga part ng investigation, may communication sila pero as to the content hindi ko alam kung sino yung kausap,” matod ni Taliño.

Sa report sa GMA news online sa kaulohan, nakakuha sila sa panagbinaloay ug mensahe sa cellphone ni Nobleza sa Tausug nga sinultihan apan gihubad na kini sa Tagalog.

Niadtong Abril 18 pito ka adlaw sa nagpadayong engkwentro sa barangay Napo lungsod sa Inabanga usa ka nagpailang Kulot nga gituohan nga Abu Sayyaf fighter mi text sa telepono ni Nobleza nga naa na sila sa usa ka sapa ug magpaabot sila sa sunod nga text kon padung na sila aron sa pagsugat kanila.

Naabot silang Nobleza ug Dongon uban sa inahan niini nga 62 anyos ug laing menor de edad sa Panglao Abril 17 diin nianang mga panahona buhi pa si Joselito Melloria.

Pagka alas otso sa buntag mibalik na usab og text si Kulot ug nangutana kung asa na sila, “Nasaan kana brod? Nandito na kami naghintay sa ilog maluag, kung pahintulutan ng Diyos, baka magkita tayo,” matod sa text message.

Dunay pipila ka mensahe nga iyang gipangayoan og kwarta si Kulot ug kwarta alang sa asawa sa usa ka nailhang Edi. “Magandang araw brod, hanapan mo nang paraan na mapadala ang pera sa asawa ni Edi sayo.”

“Gaw, hanap mo ng paraan yong pera na mapadala sayu,” “Ikaw, gaw, kasi wala na kami pera,” dugang sa mensahe sa text.