Love is nothing without you

Malipayon gyud ko, uy. Kinsa man say di malipay nga kanunay man motawag si Ariel nako sa selpon sa misunod pa gyud nga mga adlaw? Gusto gyud niyang ipakita nako nga ako ra ang iyang love. Wa na gyud ko magduha-duha sa iyang gugma nako. Wa nay pagduda nga motungha sa akong hunahuna nga iya kong luiban.

Unya, nagsugod na ang klase. Misamot ang akong gana sa pag-eskuwela kay si Ariel man ang akong inspirasyon. Usa ka hapon nga gikan ko sa tunghaan, naagian ko si Dave sa sulod sa usa ka

snack bar nga naghinuktok. Nakahunong ko paglakaw sa

sidewalk. Moadto unta ko sa atnganan kog sakyanan sa pagpauli.

Nadiyong ang akong mga mata kay midaot man si Dave. Milingi siya sa akong gitindogan ug nakita ko niya. Mipahiyom siya ug iya kong gikamay. Misulod ko. Gipalingkod ko ni Dave sa atbang nga silya sa lamesa nga iyang giukopar. Nag-order siya sa

counter og cassava cake ug drinks para nako. Miinom kog gamay sa pineapple juice sa akong baso dihang gihatag na ni Dave ang akong esnak.

“Morag may sakit ka man, Dave.”

“Yap! Duna gyud, Nikki. Diri, sa akong kasingkasing.”

“Siyaro man sab, uy. Wa gyud ka kakitag laing girl?

Look, guwapo ka. Gikan sa maayong breeding nga pamilya. Di ka maglisod sa pagbaton og girlfriend, Dave”

“Lisod kang hulipan sa akong kasingkasing, Nikki.” “Duna na koy uyab, Dave

and you know that. I love Ariel very much.”

“Well, wa man sab ka masayop sa pagpili niya, Nikki. He’s a nice guy. Buotan ug love gyud ka niya. Duna sab siyay ambisyon sa kinabuhi.”

Karibal sila si Ariel ug Dave sa pagpangulitawo nako. Sa eskol mi nagkaila si Dave. Parehas mig university nga gitunghaan kaniadto apan lain-lain ang kurso nga among gikuha. Dihang gisugot ko na si Ariel, mibalhin og laing eskuwelahan si Dave.

“Sige, Dave, ha, mouna lang ko nimo. Ug thank you aning esnak.”

Igo lang kong gipahiyoman ni Dave ug mitando siya. Migawas ko sa snack bar. Nakapanglingo ko samtang naglakaw ko sa sidewalk. Kami si Ariel ang para sa usag usa. Hilom kong nakaingon. (SUMPAYAN)