Gituyo og patay?

Para nako mora'g klaro man nga gituyo sa pag patay sa kapulisan sa lungsod sa Tubigon, Bohol ang nadakpan nga sakop sa Abu Sayyaf.

Mabaw ra ang rason sa kapulisan nga ilang napatay si Abu Kiram sa dihang misuway sa pag-ilog sa armas sa pulis nga nag bantay niini.

Wa man ko molaban niining kriminal nga sakop sa Abu Sayyaf. Gusto lang nato nga mosunod sa balaod ang kapulisan kay naanad na sila aning pagpanglaktod.

Motuo mo sa giingon sa kapulisan samtang nagdagan ang patrol car nga gisakyan ni Kiram ang gihunong tungod sa hangyo nga mopagawas sa iyang hugaw.

Lisud pa tuhoan ang pangangkon sa kapulisan nga gitangtangan ug pusas. Mao nga nahitabo ang ginukdanay ug napatay kay misuway sa pag ilog sa arms.

Karaan naman ang ingon niining estilo. Ang nahitabo ni Kiram susama sa nahitabo ni Mayor Rolando Espinoza sa Albuera Leyte nga gipatay sud sa bilanggoan.

Ang kamatayon ni Kiran, Espinosa. ug mga ordinaryong durugista usa ra ka tawo ang nagsugo.

Wa ko mopasangil sa Presidente. Kay mismo si Presidente Duterte ang namahayag sa wa pa mahitabo ang kaso sa pagpatay nga kamatyon ang

mga kriminal. BOMBA SA QUIAPO

Delikado kini ug angayang maghiusa ang katawhan pinaagi sa pagtabang sa mga tinugyanan sa balaod aron batukan ang yawan-ong binuhatan sa Islamic State of Iraq and Syria ( ISIS).

Ilang giangkon ang responsibilidad sa pagpamomba sa Quiapo, nga mipatay ug duha ka mga sebilyan ug miangol ug daghang mga tawo.

Kon nahadlok ang mga lider sa mga dagkong nasud sa kalibotan sa ISIS sama sa nasud sa America, pinaagi ni President Donald Trump sayon ra dinhi sa Pilipinas.

Kon pagbantay sa siguridad sa Pilipinas abtik ang

sundawo ug kapulisan ang ato lang problema ang ka kuwang sa modernong teknolohiya sa pag-ila sa terorista ug sa mga modernong bomba nga gamiton sa mga suicide bomber.

Ang kalihukan sa ISIS misanga na sa tibuok kalibotan ug wa lang nagsentro sa nasud sa Iraq ug Syria.

Ang atong kabalak-an delikado og ilang himuong sentro ang Pilipinas sa mga nasud sa Asia sa ilang operasyon.

Makahatag ba og kasiguroan si Presidente Rodrigo Duterte nga luwas ang Pilipinas sa hulga sa ISIS homan sa pangangkon sa pagbomba sa Quaipo? (efrenlonzon71@gmail.com)